البوابة
أحدث الصور
من طرف دفع الله الشيخ علي محمد الجمعة 08 أغسطس 2008, 5:52 pmقصيدة رجعلك قليبي المهضلم
للشاعر محمد طه القدال
غناء مصطفى سيد أحمد
وإن شاء الله ترضيكم
]رجعلك قليبي المهضلم
يراجع صروف الغناوي العصيه
ويراجع معاك الكلام القبيل إستباك
وما فيهو غير إحتلام وإنفصام
تموت الحروف يوم تقوم القصايد
مقام الطبول والبخور
بشوفك جرايد
شواكر حوامد
ولا هامي فيها
عليها المصايب تمام التمام
مغايص بتفرم حشاها
وغباين بتنفخ بطون البسفوا التراب
وحايح لهيب البتلفح
تلهلب وتشوي الجلود
أتف القصايد
إذا ما القصايد دايرا ليكي البكا
اليصاحب هوى السلفدار
وأتف القصايد إذا ما القصايد
بتنزل مريده
وتسبح بحمد الذي
إبتلاك وهداني الودار
طريتك.....!!!
وأنا الكنت قايل خيالك جواي!!
سكنتك وما لاقي حته
أخيرلك
أقول البحرق حشايا
أخيرلك أفضفض جراب الخبايا
أقول الكلام البفكك سوارك
يوقف جدارك ويرفع عضايا
تضيع الرموز التغطي الكلام.....
أقول السكاكر أبتني ورمتني
وكفانا.....
أقول العساكر تباري الكباري
وتفتش قلوب الجهال الشلوخهم هويه
وأغني الزيود والكنانه
كضب......
أقول البنات البفتحن صدورهن
يقالدن رشاشك
ويخلن حبيبهن
كضب.........
عراب الجزيره البيبيعوا الزيوت
ما شروك وفروك ختوك تراب
عراب الجزيره المدلدل لهودهم
قرب ود الرباعه المودك بطونهم
مراتب قطن
نواعم جلودهن بنات مونتي كارلو الجوالب
ضرب عمساب
مراحك يعشي ويفشي
خدارك مرطب ينقط ضهاري
ترابك مقوثب يقوم دخن لو زرعتو الحجاره
بلادك ولادك كروها السحالي
تسفر سعيدك تقبن تباري الجداد العقالي
تجوع يا البشدر خريفك
ثوابي البطانه
ويمطر رزازك عزازاً حصايا
قموحك سنابل مشاط كردفاني
وأبيت الكلام المغطغط وفاضي
وخمــج.......
ولادك قصادك شعاع التحايا
يضوو الشقوق التلم الدوابي
ويورو الدروب للقلوبهم عمايا
للشاعر محمد طه القدال
غناء مصطفى سيد أحمد
وإن شاء الله ترضيكم
]رجعلك قليبي المهضلم
يراجع صروف الغناوي العصيه
ويراجع معاك الكلام القبيل إستباك
وما فيهو غير إحتلام وإنفصام
تموت الحروف يوم تقوم القصايد
مقام الطبول والبخور
بشوفك جرايد
شواكر حوامد
ولا هامي فيها
عليها المصايب تمام التمام
مغايص بتفرم حشاها
وغباين بتنفخ بطون البسفوا التراب
وحايح لهيب البتلفح
تلهلب وتشوي الجلود
أتف القصايد
إذا ما القصايد دايرا ليكي البكا
اليصاحب هوى السلفدار
وأتف القصايد إذا ما القصايد
بتنزل مريده
وتسبح بحمد الذي
إبتلاك وهداني الودار
طريتك.....!!!
وأنا الكنت قايل خيالك جواي!!
سكنتك وما لاقي حته
أخيرلك
أقول البحرق حشايا
أخيرلك أفضفض جراب الخبايا
أقول الكلام البفكك سوارك
يوقف جدارك ويرفع عضايا
تضيع الرموز التغطي الكلام.....
أقول السكاكر أبتني ورمتني
وكفانا.....
أقول العساكر تباري الكباري
وتفتش قلوب الجهال الشلوخهم هويه
وأغني الزيود والكنانه
كضب......
أقول البنات البفتحن صدورهن
يقالدن رشاشك
ويخلن حبيبهن
كضب.........
عراب الجزيره البيبيعوا الزيوت
ما شروك وفروك ختوك تراب
عراب الجزيره المدلدل لهودهم
قرب ود الرباعه المودك بطونهم
مراتب قطن
نواعم جلودهن بنات مونتي كارلو الجوالب
ضرب عمساب
مراحك يعشي ويفشي
خدارك مرطب ينقط ضهاري
ترابك مقوثب يقوم دخن لو زرعتو الحجاره
بلادك ولادك كروها السحالي
تسفر سعيدك تقبن تباري الجداد العقالي
تجوع يا البشدر خريفك
ثوابي البطانه
ويمطر رزازك عزازاً حصايا
قموحك سنابل مشاط كردفاني
وأبيت الكلام المغطغط وفاضي
وخمــج.......
ولادك قصادك شعاع التحايا
يضوو الشقوق التلم الدوابي
ويورو الدروب للقلوبهم عمايا