افر اح الحدير

نزف اجمل التهانى الى ابن المنتدى ( الخطوبة ) وربنا يتم ليه على خير وقبال الما متزوجين والتهنئة موصولة من ( الاخ القرضات )

اي والله انا ذاتي الكلام طقش اضني والسمعناه ربنا يتموا علي خير
هههههههههههههههههههههههههههههههههههههههههههههههههههههه

يا جماعة الشمار الحار شنو ما تفصحوا عن الخبر ده
لأنه قد تسربت أبناء إلى مسامعي فأرجو من هذا الشخص الإفصاح عن فحوى هذا الأمرالذي يريد أن يقبل عليه وجني وجن الشمارات انا
لا داعي للماطلة أكثر من هذا

برز في الأونة الأخيرة فنان يسمى شكر الله عزالدين الذي يتمتع بغناء وحس دافء مما لا شك فيه فقد تربع في سماء الفن السوداني بأغانيه الحلوة والهادفة والذي بدوره قد قام بإنشاء موقع له على الشبكة العنكبوتية فنرجو الدخول لهذا الموقع الذي سوف تجدون فيه كمية من الأغاني الحلوة والتي تمتعنا فإلى الأمام شكر الله الذ ما لبث أن أنطلق في خلال سنتين والأن إنتشر بقوة وحاليا استمع لأغنية يأ أعز عزيز للفنان الذري ابراهيم عوض رحمه الله الذي أداها بكل جمال وقوة
كنت معاك سعيد الليلة
في بعدك ما أضناني
وأصبر يمكن يفيد صبري ويمكن ترجع ثاني
أنه يختلف من الفنانين الذين لا يألفون ولا يأتلفون ومعظم أغانييهم بعيدة كل البعد عن الكلمة الحلوة
لا اطيل عليكم يمكنكم زيارة الموقع

اهلا يا رومانسي واخيرا لقيت طريقه تسجل ؟ عموما اختيارك لي شكرالله ده بشبهك صراحه وشكرا علي المساهمه وخليكم في مشاكلكم ومالكم ومال العرس ولا الطلق ما تبقو زي النسوان هههههههه

يا جماعة الخير والله ذكرتموني سوق الكلاكلة القلعة لما الواحد يكون طالع مشوار للخرطوم ويكون شاقي السوق وجنب طاحونة شمس الدين جالسات النسوان الببيعن الشاي وتلاقي كل الخبر ده بتكلموا بيهو في السوق زي الفضيحة ورونا يا جماعة مين الخطيب ومين المخطوبة علشان نقوم بواجب التهنئة من خلال الشبكة .
دفع الله يارائع بتعجبني كتاباتك - بجد انت مشروع صحفي

يا أخ دفع الله انت بتتريق علي ولا شنو انا كان عندي مشكلة في الدخول عشان كده طولت ما خشيت للمنتدى وبعدين زحمة الشغل وهانذا عاودت الكتابة وبعدين أحنا السروراب وخاصة أل الطاهر الصديق(الكونجرس الأمريكي) ما بتوع شمارات ولا شنو

ههههههههه شكرا فيصلو علي الرد وده دليل علي المتابعه بعدين انت عشان تتكلم لازم الواحد يقوم ينخصك (عارفا ما بتعجبك الكلمه دي ههههه) بس السروراب انا اكتر واحد يمكن اكون معاشرهم وعارف اذا كانو بتاعين شمارات ولا غيرو وعليك الله البتسوو فيهو ده شنو هسع ما شمارات ولا عندها اسم تاني عموما انا من زماااااااان ما عندي اصحاب غير السروراب وهم كويسين لكن صراحه بتاعين شمارات وجمجارين كمان والدليل عندي هوووووووووووووووغووووووووووووو بتعرفو ولا اقول ليك اسمو عديل ههههههههه وشكرا يا جيمي يا رايع بس تقول شنو لازم الواحد يقوم يطلع من علبو عشان الناس تستفيد ولا شنو يا ابو وعد

والله يا ابو الدفاع القصة ما شمارات بس الناس حابة تهنئ وتبارك لاخونا العريس الجديد وهم عاوزين يعرفوا دا منو العريس الجديد وف النهاية نتمنا من ربنا يتم ليهو على خير دا كل الموضوع اقول حاجة يا ابو الدفاع لو انت عارفو كلمنا عشان تريح الناس من التخمينات وانو عارفك معلم ههههههههههه

إحنا جننا وجن الشمارت دفوع وعندي إحساس انه العريس أنت فأفصح عن الأمر هذا وإلا وخلص نفسك بقى وسيب المهاترات دي التي لا تسمن ولا تغني من جوع
وإرنا ماذا في جعبتك ؟؟؟؟؟؟؟؟ طبعا حلوة دي لغة عربية قحة ؟؟؟؟؟

هوووووووووي يا فيصلو بعد العمر ده كلو يجي في النهايه اوري الناس كلها مافي جعبتي بي لغتك العربيه الجميله دي شينه والله هههههههههههههههه القصد ضحكه بس وما تواخذني علي الرد بس جات كده عفويه ههههههههههه

اهلين يا فيصل وشكرا علي السؤال وانا موجود والله بس مشاغل الدنيا وجري الدوحه الما بكمل ده والشمارات الجديده البتفتش فيها دايره ليها قعده وانا بصلك انشاء الله قريب وعموما الشمار المطلوق في المنتدي ده اخوك عندو فيهو ضلع والحدق بيفهم

والله كويس وربنا يسهل على كل زول بيقدم علىمشروع الزواج بأن يحصن نفسه والبعد عن الوقوع في المعاصي والرذيلة التي إنتشرت في زمننا هذا والله المستعان
وربك بيسهل ويجعل في كل خطوة يخطو بها الفرد منا تسهيلات من المولى عزوجل علينا التوكل على الله وأقدم على فعل هذا الأمر دفوع وإلا سوف تطيح بك سادة قريش ويتفرق دمك بين القبائل ؟؟؟؟؟؟ هههههههههههههههههههههههههه و لنا عودة