لو انت راجل حاترد تقول شنو؟؟؟؟؟؟؟؟؟؟؟؟

تخيل في أحد الايام الجميلة والجو ممتع وبارد نسبيا

اتصل عليك واحد من فردك وعزمك على كوفي بدون سبب

ومر عليك بالعربية و شالك معاهو

ولمن وصلتوا الكوفي سألك السؤال دا

ايه رايك في الحب ؟

انت جاوبتو بكل حسن نية: الحب شي جميل

قام فجأة قاليك وبدون سابق انذار وبدون احم ولا دستور

.
.
.
.

قام قاليك أنا بحب أختك

شنو حتكون ردة فعلك وبصرااااااااحة

تشكر علي الموضوع اخي حبيب الروح

اعتقد ان الردسيكون علي حسب شخصيه صاحبك ومدي ثقتك باخلاقه

مرحبااخي حبيب الروح وحقيقي مبسوط علي مساهماتك وماشاء الله نشيط
علي كل حال انا ما عندي اخت غير متزوجة
لكن زي ماقال yayo ردي بكون علي حسب نظريتي لهذا الشخص ومدي رغبته الأكيدة في الزواج بها , علي كل لا اخفي أن أغلب السودانيين لا يحبون ذلك بمختلف قبائله , اي لا يحب الشخص ان يقول لك بأنني أحب أختك , إضافة لذلك نحن السودانيون لا نبدي هذا الشعور رغم انه شعور نبيل لكننا نكتم مشاعرنا وعدم البوح بها إلا همسا , هذه الميزة ربما نجدها في السودانيين فقط.
حتي نجد أن الرجل يخجل من هذا التعبير لزوجته , أتخيل عزيزي الكريم جدي يقول لجدتي عليهما رحمة الله , يا فلان انا بحبك اي لزوجته ,,, حقيقي لا يمكن ان نتخيل ذلك علي الاقل في الجيل الذي عشناه وكذلك الجيل الذي سبقنا لا توجد مثل هذه الاشياء , وحاليا مش عارف اذا كانت موجودة ام لا ؟؟ هذه هي طبيعة السودانيين وتربيتهم لا يبدون مشاعرهم واظهارها مطلقا لكنها موجودة في دواخلهم بدون شك .
هذا الموضوع اخي حبيب الروح ليس بسيطا بالمناسبة يحتاج لمقال كامل ولا بد من مناقشة التربية للانسان السوداني.

هههههههههههههههههههههههههههههههههههههههههههههههههه دي عملتها لي منو يا كعبول؟
بالمناسبه الود الانت قاعد تحب اختو كان معاي من كم يوم بس بالتلفون هههههههههههههههههههههههههههههههههههههه

بتفق مع الاخ جيمى و ياسر انو بكون الرد على حسب اخلاقياته وما اظنو حايقدر يرد عليهو فى تلك اللحظة بالايجاب او السلب والاختيار فى زمنا دا صعب...........

التحية ليك يا عصام والتحية ليك ياجمال عمر ومشتاقين كتير والله .. اما بخصوص السؤال المطروح وعشان اكون اكتر صراحة وقفت كتير قبل ما اكتب لانو فعلا ماكان عندي رد ، باين انو رغم اننا في الالفية التالته والعالم البقي قرية صغيرة إلا اننا كسودانين مازلنا في الجوانب دي في حالة انطواء علي نفسنا ما عارف دة صاح ولا غلط ، تحضر ولا تخلف لكنها علي العموم عندي مامقبولة حتي لو حاولته ادعي القبول وانشاالله ربنا مايوقعني في موقف زي دة والداير يجينا بالباب عديل