البوابة
أحدث الصور
من طرف دفع الله الشيخ علي محمد الأربعاء 13 أغسطس 2008, 6:14 pmالجالوص عاطف خيرى
معتوقة ومعتقة ومنعتقة
نوافير إنتشى وحشمة
وحمار العين
تضحك كلما وقعت مصيبة
تمشى على العجين و تلخبطو
ترطن إذا جاها الحنين
يا بت بيوت الهجعة كيف
غبار شوارعك ماشى وين
زقاق يعيش فى زقاق
كتمة وظلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
صوتك وقت قطع البحر قبال مراكب العمدة
ضهر النيل عرف
و الشمس فوق حبل الغيوم
شرت جلاليب النعاس
ناشف غرب مبلول شرق
و المطرة زى شفع العيد
تدخل غرف كل البيوت
كلمة الجوع الشرح للأرض
كيف تقرأ المرق وقبال يقع
فوقك سقف
إتنحنح الجالوص
أمرق على مهلك
مروق الحنة من ضفر لاعروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وانا فى سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفك كيف معلوف
ضهر المظنة يشيل
وانا ظنى ظنيتو للنيل
غريق فى النيل
و الليل ولافى بالو بيت
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الخريف
داسينى فيك نضر
والأنبياء فاتوا
والأنبياءء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ماذنب جاد الطار
لو غنو بيهو شتر
ما تخافى الله معاك
وكل الملائكة سمر
إن شاء ابوداؤؤؤؤؤؤؤؤؤد(نزار ) ولومالقيت رايك شنو فى سفروت وبالمناسبة قال عنده شريط اسمه( 
ومبرووووووووووووووووووووك الخطوبة --وطبعا دا شمار لى ناس المنتدى--والتفاصيل لاحقا