نادي الكلاكله القلعه والانترنت 2

بسم الله والصلاه والسلام علي سيدنا محمد وعلي آله وصحبه وسلم
الحاقا بالموضوع السابق فيما يلي الانترنت والنادي والاقتراح الذي تقدمنا به وبما انه وصلتنا ردود علي الموضوع يبقي لازم نعقب:
اولا يا نمره واحد قصه شباب القلعه كلهم بخشو النت وانهم شايلين لابتوبات في البحر دي قولا لي زول ما عندو حديده وانا شخصيا بعرف كم واحد عندهم اجهزه في البيت بس مش عشان الانترنت نت والمعرفه بالعكس الواحد بجيب الجهاز بس عشان يشغل بيهو السي دي والحاجات الذي دي واذا قلت ليهو ياخي ما تعمل اشتراك في النت يقول ليك يا زول انا فاضي. دي حاجه : الحاجه التانيه اذا كان الموقع ده ما زول عارفو وزي حفره البلطي زي ما بتقول فالمشكله مش مننا المشكله انو نحن نشرنا الموقع ده وانا شخصيا ما خليت زول بعرفو ما كلمتو بس لا حياه لمن تنادي ولمن اقترحت انو الناس تعمل نت في النادي كنت عارف ومتاكد اني ح الاقي ناس بعرفهم ومن ناس القلعه جد يوميا وجربو براكم شوفو "
وانت هسع حاليا لو عندك لاب توب شيلو الليله وامشي بيهو النادي واقعد في البرش بتاع الصلاه وجيب شاي من عم جبهه علي حسابي وشوف الصدي بتاع الشي ده وقول ليهم اقتراحي ده وشوف براك بعد كم يوم الموقع ده اتعرف قدر شنو
قال حفر بلطي قال ههههههههههه
تحياتي للرايع واختصاصي الحفر العم ايوب العدوي والشبل الذي عذب بلطي الخور والحفره وبتاع عين مويه اخونا ابوسفيان احمد المادح ( ابو ايه) الي جميع شلته / التاج / مقبول/مصطفي المبارك/ عباس الهاشمي والي جميع اهلك يا نمره 1

يا رااااااااااااااجل ولا واحد معقول ودخلت من ياتو باب وايوب كان وين من عشرين سنه وانا بخش النادي بصوره شبه يوميه ولو قعدت احصر ليك ناس القلعه البكونو موجودين بتعب صراحه وتحياتي للخال صلاح عبدالرحمن والخال الفاضلود الكلكه وعبيد وجميع ناس الضمنه

لعي نمو يا نخيه ( دي الرطانه العلموها لينا يا انت وانا هههههههههههههه)

يالله زمااااااااااان

تعرف يا دفع الله كل ما اتذكر الرندوق ده بتذكر الراحل المقيم في وجداننا
الراحل ( حسن كرار الدرديري ) الله يرحمه ويسكنه فسيح جناته كان احسن واحد بتكلم اللغة دي طبعا حسين كرار برضو كان خطر جدا .
لكن الكان بتقنها المرحوم حسن في الكورة في الموية حتى في الجديع وفي ضرب
الطير بالحبل في حيطة حوش الغنم بتاعت ( حاج دفع الله ) ومقولته الشهيرة
( بت الكلب يمين كفتها جدعتها ) وهو يضحك . والله يا ابو الدفاع ترغرقت الدموع في عيني تلك الايام اذكرها كما لو كانت امس اذكرها واذكر الرائع محمد عبدالقادر ( الجبوري) الزمن داك كان مصاب بطعنة شوكة في كعب رجله اليمين كانت اصابة لازمته شهور عدة كنا نجلس عند ضل حيطتهم بالضبط عند الشبابيك المطلة على بئر ( الحاجة) وبمجرد ان جدار الحوش يمتلي بالطيور الدور يجي على واحد منا كان ابرعنا المرحوم (حسن)
وكله كان ساهل وكان ممكن بالنسبة لينا ممكن انك تجبد ممكن انك تجدع ممكن انك تلعب كورة مع الكبار امثال ( الرائع الخلوق عبدالحفيظ جاد الله والمبدع حسن الشيخ والفلتة في ذاك الزمان عصمت عبدالقادر واذكر جيدا ملعب حوش النوراني كنا نلعب مع كبار مثل هولاء حتى الحريف سيف الدين مصطفى ناس لهم وزنهم في نطاق المدورة هولاء الكبار دونهم الجبوري وعبود وسليمان ود امو وحسن وحسين والجقاو وياسر حسن والنور ود الحاجة جع.......و وعجيب حمد ودون هولاء كنا نحنا ، جيلنا المعز كرار والمرحوم طيب الله ثراه ( الطيب محمد نور اه رحم الله هذا الفتى الذي غيبه الموت وغيب طيبته التي كانت مثل اسمه رحمك الله يا طيب ) وعصام حسن والطاهر محمد نور وعلاء الدين محمد نور ومهند عطا واذكر جيدا حريف الكورة ابو الدقيق الطيب مصطفى وكان من احرف من يلعبون كرة في ذاك الزمان هم محمد عبدالقادر الجبوري و الماكر عجيب حمد والقصير الطيبوني الطيب مصطفى والمرحوم حسن كرار وتومه حسين اما الكبار كانوا يتسابقون في عزل هولاء قبل الاخرين الكل يتمنى فلان في فريقه اذكرها ايام كانت اجمل مراحل مرت على في حياتي واحلى ما فيها الثلاثة اقيام ده كلو ممكن مع الكبار .

الا العـــــــوم تتفرج بس
والا تشرب موية بالبرميل دون رحمة

بس انا عندي سوال محيرني لحدي هسة

العكس ده ليه برجع وبخلي اخوانو ؟؟؟؟؟؟؟ ما هو موسم هجرة

الرد علي كلامك عن الذكريات دي شبه مستحيل . بس ممكن اجاوبك في قصه العكس دي وانت سالت واحد خبير بالمناسبه . العكس ده اصلا محلي يعني بجي من القشارات الفي المصايد يعني ما مهاجر زي الريقان التانيه ولو كان لاحظت ليها اسمن من البجي عديل من الشمال ماشي الجنوب وان كان بشتركو في نفس المشوار اليومي بس الفرق الوحيد انو العكس برجع تاني وفي شي تاني العكس لحمو اطعم من السفري والروق بتاعو دايما برجع قريب المغرب والمشوار بتاعو ما بكون بالصباح وتوجد منو انواع اشهرها ابو زيق علي الرقبه - الابيض- الدباس . بالمناسبه العكسي ممكن تربيهو في البيت عادي اذا كان عندك قفص بس السفري حتي لو قبضتها وحاولت تربيها ممكن تموت ليك بعد يوم او يومين وووووووووو وحاجات كتير بس اهم شي سلكتك تكون ياي ويكون فيها قصطير من فوق عشان تقدر تلحق السفري
اتمني اكون شرحت واختصرت وممكن قريب اسهب في هذا الموضوع

تحياتي للجميع 00 يادفوع والله ماقصرت 00 وعيني باردة عليك 00 علشان ما نحسدك 00
لكن فعلا كلامك ده دلالة على الخبرة الطويلة ما شاءلله 00 لكن اكون كضاب لو قلت ليك
فهمت حاجة من الكلام ده ؟؟؟ 00 واتمنى منك التواصل في هذا السرد الرائع 00 ومنك
نستفيد يا فردة

هههههههههههههههههههههههههههههههههههههههههههههههههههههههههههههههههههههههههههههه
والله اقوليك حاجة 00 ياحداري 1 00 دي من الحاجات المحفورة جواي وما بتتنسي بسهولة
وذلك لسبب بسيط اني كنت واحد من الاشخاص اللي وضعوا البرنامج ده 000 ولكن تاني توبة
ياحبوبة زي ما بيقولوا 00 والحمدلله انو كانت في شوية لياقة بدنية 00 والبركة في الدفاع الشعبي
بس انت عارف منو ال 00شربنا المقلب ده ؟ 000000 هههههههه 00 على الاقل انا اهون من
بعض الناس 000 هههههههههههههههه 00 والله يا حليلك ياعصام حسن 000 هههههههههههههه


بالمناسبة 00 ياحداري 1 00 على ما اعتقد انو المشوار ده كان من الفتيحاب 00 مش من ابو سعد
اذا ما خا نتني الذاكرة 00 الموضوع كان مباراة تحدي بين 00 شباب القلعة 00 وشباب الفتيحاب 00