البوابة
أحدث الصور
من طرف batira الأربعاء 20 أغسطس 2008, 1:50 pmكان يجلس علي المسطبة ووجهه الي ميدان الرابطة ومظاهر التعب والارهاق بادية علي وجهه فاقترب منه سائلا بعد التحية ،،،
مالك يازول شكلك مهموم انشاالله مافي عوجة؟
لا ابدا بس امتحاناتي بتبدا بكرة ..
العلم مهم مافي كلام .. اها انشاالله جاهز؟
كيف يازول مية مية لي يومين مانمته مواصل الليل مع النهار في المذاكرة ..
يازول تمام ربنا معاك ..
فاصلة زمنية
مبروك النجاح يازول وين الحلاوة والبارد؟
داير حلاوة النجاح ولا حلاوة الوظيفة؟
يازووول والله فرحته ليك اها وين اتوظفته؟
لا لسة بس المعاينة بكرة
اها انشاالله جاهز
جااااااااهز يامعلم
فاصلة زمنية
درجة الحرارة تزيد عن الاربعين وذرات التراب العالقة وقد امتزجت بحبات العرق تحجب الرؤية واجرة المواصلات محجوبة عن الجيب والطريق للوصول الي البيت هو قدام معاك يابوالشباب و.. هاهو ابوالشباب وقد اتي دون عناء ...
انشاالله واصل القلعة يا............
يازول والله ماعرفتك ماشاالله عربية اخر موديل وموبايل عشرة الف وستماية وخمسين.. ناس الشركة ديل ريحوك تمام.. بدوك ماهية كم ؟
...كم الف كدة (بالجنية الجديد) وبالمناسبة نويت اتزوج ماعندك لي زولة كويسة واهله ناس كويسين
رايك شنو في بت فلان؟
دي مش ابوها العندو صف الدكاكين داك؟
بس كتلتها ...
تمام يازول بكرة بمش اخطبا
يازول طوالي كدة جاهز انت؟
جااااااااهز يامعلم
فاصلة زمنية
مر ليأخذ الجريدة من المكتبة و عرج علي الحاجة ام الحسين ليحتسي قهوته ثم قفل راجعا الي بيته عبر ميدان الرابطة فاذا به يراه خارجا من المركز الصحي
..سلامتك يازول مالك ماشي كدة انت لسة شباب ياخي
..رد ضاحكا يازول اتعلمنا وعرسنا وولدنا تاني باقي شنو غير الموت
..والله كلامك صاح واها انشاالله جاهز؟
...أأأأأأأأأأأأأأأ
فاصلة زمنية قصيرة جدا جدا
لاحولة ولاقوة الا بالله متين الكلام دة؟
والله دي جيتنا من الدافنة
طيب ارح معاي نشيل الفاتحة
امش براك انا مستعجل امتحاناتي بتبدا بكرة
مالك يازول شكلك مهموم انشاالله مافي عوجة؟
لا ابدا بس امتحاناتي بتبدا بكرة ..
العلم مهم مافي كلام .. اها انشاالله جاهز؟
كيف يازول مية مية لي يومين مانمته مواصل الليل مع النهار في المذاكرة ..
يازول تمام ربنا معاك ..
فاصلة زمنية
مبروك النجاح يازول وين الحلاوة والبارد؟
داير حلاوة النجاح ولا حلاوة الوظيفة؟
يازووول والله فرحته ليك اها وين اتوظفته؟
لا لسة بس المعاينة بكرة
اها انشاالله جاهز
جااااااااهز يامعلم
فاصلة زمنية
درجة الحرارة تزيد عن الاربعين وذرات التراب العالقة وقد امتزجت بحبات العرق تحجب الرؤية واجرة المواصلات محجوبة عن الجيب والطريق للوصول الي البيت هو قدام معاك يابوالشباب و.. هاهو ابوالشباب وقد اتي دون عناء ...
انشاالله واصل القلعة يا............
يازول والله ماعرفتك ماشاالله عربية اخر موديل وموبايل عشرة الف وستماية وخمسين.. ناس الشركة ديل ريحوك تمام.. بدوك ماهية كم ؟
...كم الف كدة (بالجنية الجديد) وبالمناسبة نويت اتزوج ماعندك لي زولة كويسة واهله ناس كويسين
رايك شنو في بت فلان؟
دي مش ابوها العندو صف الدكاكين داك؟
بس كتلتها ...
تمام يازول بكرة بمش اخطبا
يازول طوالي كدة جاهز انت؟
جااااااااهز يامعلم
فاصلة زمنية
مر ليأخذ الجريدة من المكتبة و عرج علي الحاجة ام الحسين ليحتسي قهوته ثم قفل راجعا الي بيته عبر ميدان الرابطة فاذا به يراه خارجا من المركز الصحي
..سلامتك يازول مالك ماشي كدة انت لسة شباب ياخي
..رد ضاحكا يازول اتعلمنا وعرسنا وولدنا تاني باقي شنو غير الموت
..والله كلامك صاح واها انشاالله جاهز؟
...أأأأأأأأأأأأأأأ
فاصلة زمنية قصيرة جدا جدا
لاحولة ولاقوة الا بالله متين الكلام دة؟
والله دي جيتنا من الدافنة
طيب ارح معاي نشيل الفاتحة
امش براك انا مستعجل امتحاناتي بتبدا بكرة