المنتدي داير الجديد

يا اخوانا الحمدلله في الايام الفاتت شهد المنتدي دخول عدد لا يستاهن به من اميز اولاد القلعه ولسه في انتظار المذيد وطبعا نحن استبشرنا خير برجوع الاخ العزيز ياسر الي ارض الوطن ومنتظرين بعد كده يكون الشغل الجد في انتظار مساهمات الاخوه العضاء الجدد وبالمناسبه دي رايكم شنو نعمل رحله بتاعت تعارف للجميع علي شرط الدخول بالاسم الحقيقي وخلونا من الحركات دي ونتعامل بي الاسم عشان نعرف راي كل واحد ونفهم هو عايز يقول شنو ؟ ولا رايك شنو يا جمال ولا اشرف ؟

يا ابوالدفاع 00 ليك التحية 00 وانا راي من رايك برضو 00 لكن عاوز اقوليك ان المشكلة
مش في الاسماء اذا كانت حقيقية 00 او خفية 00 الاهم ثم الاهم 00 هو طرح المواضيع الجادة
وزي ماقلت قبل كده 00 علشان الفائدة تعم الجميع 00 00000 ودمتم 0

شكرا يايو علي الاهتمام وقد اسمعت لو ناديت حيا ولكن لا حياه لمن تنادي
حقيقه المشاهده وعدم الرد علي المواضيع يمكن يكون عندي ليها تفسير وهو بي بساطه انو نحن ناس القلعه كل واحد فينا عندو راي في التاني وانا لمن ادخل المنتدي واشوف فلان كاتب موضوع ما برد لاني عندي راي فيهو ( اتمني اكون غلطان ؟؟؟؟؟؟؟؟؟؟؟؟؟)
وقصه التدوير البتقول عليها دي فاعتقد انها تنفيس زي ما قلت وكون الناس مطوله من بعض ولي قدام ح تروح المساله دي فما تشيل هم يايو

ياريت يا ابوالدفاع الناس ماتكون عندهم اراء في بعض مانحن اهل ولا شنو وبعدين الاراء في شنو سامحك الله يا ابو الدفاع عاوز تفتح لينا نار في المنتدي ولا شنو

والله اهل دي يا اشرف مافيها كلام بس نحن ما نبقي زي النعام وحقو نتقبل انو فعلا في اشياء ما طبيعيه بتحصل عشان كده الواحد قام استنتج كده بس بيني وبينك تفسيرك شنو يا ابو الشوش . عايزين نعرف الشي البحصل وزي ما قال يايو في 27 منتدي والناس بتتكلم في 2 بس وكلها ردود يعني كل واحد برد علي التاني ؟ انا ما عندي اعتراض علي انو الواحد يرد علي اخوه بس كمان جيبو لينا الجديد يعني مادام انت الله قدرك تدخل المنتدي وترد علي الناس البمنع شنو تكتب لينا مساهمه نستفيد منها ؟ ولا انا غلطان؟

عداك العيب وعاوزين الهمة لانو المنتدي بلا مشاركات هادفة ما ممكن يمش لقدام والله يا ابوالدفاع نحن غير التطوير ما دايرين اي حاجة ولا شنو

لكن انا عندي ملاحظة كمان الاعضاء مابتتقيد بكتابة المواضيع في مكانها المفروض يعني ممكن تلقي تهنئة في المواضيع العامة بالرغم من انه في منتدي للتهاني
وبرضو برجع بقول لازم الناس تحاول الكتابة في مكان الموضوع المخصص