القلعة جنوب .. تسجل حضور !

اهلين ايهاب ومشكور علي الاطلاله الجميله دي وصراحه ما عايز اتسرع واقول ليك يا دفعه تطلع ما انت عموما المنتدي موجود ونحن موجودين وبكره نعرفك زين بس انت ايهاب عبدالرزاق داك ما غيرو بيتكم جنب الظلط مع الطرمبه الجديده ولا انا خلاص كبرت وراحت علي ارجو الافاده عليك اللخ الشمار حارقني والمده طالت فوق ال15 سنه يا خوي

ولا انا خلاص كبرت

دفع الله ود الشيخ

حالتك قلنا عليك

ما بتغبانا وما بنغباك

شمتا فينا .. أبلة طاظا


عموماً .. ياني انا زاااتي .. مريم أم كريآآآآت

والشكر ليك يا معلم !!







=================

منصور .. المريومابــــــــــي


الرجل .. الفاهم .. حلو التواصل .. وكثير الإبتسام

لك التحية يا حبوب ..

الرطانة .. انساهم يا عمك

خليهم للسدود وترسيم الحدود

==
التحية للقلعة

ابن عمر كتب:

مرحبا أخي أبو رزقة
ونتمني لك التوفيق والاقامة الطيبة في منتداك

لك التحية ابن عمر

وشكراً على الترحيب !

والله الف مليون مراحب بيك يا ايهاب بس ياخوي عليك الله مرت كم سنه ما اتلاقينا وتفرقت بنا الدروب والجري في الدنيا دي وما بتعرف سعادتي كيف وانا كل يوم بلاقي واحد دفعه زيك كده ونتمني التواصل وما عليك بي كلام منصور ده عشان هو اكبر مننا وحاسدنا بس بعدين هو جانا عايد من سنه رابعه ولا شنو يا ابو الجنص قال قدرنا قال انا دخلت المدرسه لقيت الذول ده كبير وكمان من سنه خامسه قاعد يحب وقريبا جدا سوف اتحدث عن شلتنا فردا فردا وح تشوف براك انا متذكر ولا لا بس خليكم متابعين طيب ,,,,,,,,,,

يا سلام عليك نمره واحد واخيرا وضحت الصوره ههههههههههه عرفتك وعرفت المعاك بس حفاظا علي خصوصيتك ما ح اقول انت منو ويكفي تواصلنا في الايميل هههههههه وشكرا علي ذكرك هذه الكوكبه من الشله والدفعه المتميزه والتي لم تنجب مدرسه الكلاكله القلعه زيها لا قريب ولا بعيد ورجعتني لايام عجيبه صراحه مع انها في خاطري بس والله من خشمك حلوه ويا حليل كمال خالد ولويس ملوال وجون اقري تعبان ومايكل انجلو والشيخ فؤاد والشيخ مختار وجمال حمدان والخالد في روحي وعقلي للابد اخوي وحبيبي الله يرحمه اخونا معتصم الشيخ الله يغفر له واخوي العزيز الشهيد الذي لازال جرحه غائرا في قلبي الشاذلي احمد واه من تلك الايام وايام حارث بهاء الدين وعثمان عبداللطيف وايام مدرسه المقرن الثانويه ومحمد منصور مناع ووووووووو حقيقه تعبت من الكتابه وانهمرت دموعي ..................بالمناسبه في واحد بجيب لينا خبر كمال عدلان يا اخوانا هههههههههههههه

[b]
يا ايـها الرجل المهذب نفسه اسرر فأن شفاءك الاسرار ( بالله عليك)
نزف البكاء دموع عينك فاستعرعينا لغيرك دمعــها مدرارا
من ذا يعــيرك عينا تبكي بهاأرأيت عينا للــبكاء تعار ؟

اخي لك الود ولي ما اردت وانت افهم وبالله عليك ما تخذلني ومراح تخذل انشاء الله وها انت تبش نبش النار في الحطب الهشيم تنبش ذكرى اناسا موجودون في دواخلنا ولكنهم رحلوا باجسادهم ( ربي يرحمهم ويجعل الجنة مسواهم ).

انظر اخي بمجئ الرائع ابو رزقه طبعا انا كمان مطول جدا منه واكاد ان اكون قد نسيت ملامحه ولكن ما اذكره انه وجيه عشان كده قبلت بيهو .........حماد
التحية للاخ كمال عدلان وجمال حمدان وعثمان عبداللطيف والمنسي عادل سيد محمد طاهر .
اخي ما اردت توضيحه ما ذكر في احد بوستات المواضيع العامة بقلمك عندما نويت الاعتكاف عن المنتدى هاهو ابن جنوب القلعة ابو رزقة قد اتى بما هو قديم وعائش في الخلايا . ونحنا في انتظار جديده .

التحية لك اخي منصور او ابن عمي كما يحلو لك ان تقولها .

التحية لك مرة اخرى يا ابو الدفاع والف الف الف مبروك مقدما وربنا يتم.

ومن يعرف الناس يكون ذكيا ، ولكن من يعرف نفسه يكون اذكى.

نــ 1 ــمبر

لك كل الود يا نــــ1ــــــمره وحقيقه عندك مشاركات حلوه وجميله وتعبتنا بالرد عليك لانك ماشاء الله نضااااااااااام وبتنضم في اي شي ههههه مرات بالعربي ومرات بالرندوك بس ايش رايك نعمل لينا منتدي خاص بهذه الرطانه الجميله والتي تكاد ان تندثر في الحدير ولو مشيت هسع اتكلمت بيها بقولو الزول ده مجنون ولا ما واعي ويمكن فئه بسيطه ما زلات تتذكرها . وشكرا علي الاسلوب الحلو وما عارف انت جبتو من وين لانو صراحه والشي البعرفو عنك ما كنت كده .
الناس الكنت بتتكلم عنهم في غير هذا المقال لا استطيع ان ارد عليك لاني صرحه مافيني قلب اكتب عنهم واخوك دموعو قرييييييييييبه لك الود وانت تنثر كل هذا الالق,,,,,,,,,,,,,,,,, ومنتظرك

سلامٌ قولاً من رب رحيم

التحية لكل الأحباب بعد عام كامل
من الغياب لأسباب ( أمنية ) بس
شايف في لهجة بتاعة هجوم كدا ما واضحة تماماً
لكن بنقدم حسن النية وبنقول كتر خير الناس كلها
الرحبو بينا
وهاجمونا
وراحو :d

ايهاب المنتدي انتقل للرابط التالي
http://users6.nofeehost.com/ashrafbibo/f/def