للاعضاء الاهمية الدخول (بعد الغيبة )

حمدلله علي سلامه الرجوع اشرف وياخوي كنت غاطس وين؟
عايز اعلق تعليق بسيط علي موضوعك فيما يخص الشباب او الفاقد التربوي ذي ما ذكرت انت ودي مشكله فعلا ولازم نشوف ليها حل وانا ماعارف شباب حلتنا ليه بتخيلو انو الواحد لمن يمتحن شهاده ثانويه يكون خلاص عمل العليه الاسباب شنو ما عارف يمكن تكون اقتصاديه او اجتماعيه وكل واحد علي حسب ظروف اهلو واسرتو ؟بس الشي الملاحظ انو 90% من شبابنا امتحن الشهاده وقعد في البيت وحتي لو سقط او ما اتوفق بحمد ربنا وما بكررا تاني زي تقول خلاص عايز يصل يمتحن وبس؟ عدم طموح وعدم تقدير للمسئوليه وعدم فهم ولا شنو ما عارف ؟ الزمن الجاي علينا ده واحد ما متعلم مستقبلو بكون مظلم والمشكله الواحد ما بعرف كده الا بعد فوات الاوان . دايرين توعيه لي كل واحد عندو اخوه او قريبو ونشوف طريقه نساعد بيها وانتو يا اشرف ناس متعلمين ومعاك شباب كتار ماشاء الله حالو ساعدو الاولاد والبنات البكونو وصلو مرحله الشهاده الثانويه عشان يتخطو المرحله دي . انا بتذكر لمن كنا ممتحنين للشهاده كان في ناس سبقونا بشرحو لينا وساعدونا جدا .اعملو كورسات في النادي او في البيوت او اي شي وشوفو الناس الممتحنين واقعدو معاهم واعملو ليهم اجتماع واشرحو ليهم وحاولو حفزوهم عشان ينجحو وانا بعرف شباب ممكن يشرحو اي ماده ومن القلعه نفسها يعني انت واخوك ياسر ومرتضي مصطفي حمد احسن واحد بشرح رياضيات مر علي ومصعب العطا لغه انجليزيه غريبه ووووو وناس كتار والله بس انتو اتحركو وشوفو النتائج والامتحانات ما باقي عليها كتير يا خوي

الله عليك يا كرور والله ما خاب ظني فيك لكن وين انت يا خوي ؟ تجي يوم وتغيب سنه ؟ ووين الناس القلت ح تدخلهم وين ناس ابراهيم التوم وانور بهاء الدين ودكتور عباس الطيب ودكتور هيثم واسامه الجون وطارق بدوي وبقيه العقد الفريد نحن منتظرهم والله؟ المنتدي ده ما بقي راجل خلاص مش خلاص يسجلو الناس ديل ولا منتظرنو يكبر لسه؟ وبالنسبه لي كلام ياسر انو مافي جديد دي حقيقه والله وانت ما بتحس بالشي ده لانو بتدخل من حين لي حين بس نحن المصاقرين المنتدي ده يومي حاسين بالضيق والزهج واللهفه للجديد .
ارحمونا عليكم الله شويه جد ولعب وهزار ما مشكله بس ادخلو واكتبو الله يرضي عليكم

تسلم عزيزنا
اصلا كلامنا دا كلو عشان الناس تبداء تكتب وتعبر عن المشاكل والحلول