البوابة
أحدث الصور
من طرف دفع الله الشيخ علي محمد الثلاثاء 02 سبتمبر 2008, 11:20 pmاول شي احب اهنئ جميع اخواني واعضاء المنتدي بهذا الشهر المبارك اعاده الله علينا بالخير والبركه ويلقانا تامين وسالمين آمييييييييييييييييييين
اما عن ذكرياتنا في رمضان فلا اعتقد اني سوف استطيع ان اكتب عنها بالساهل كده عشان الواحد ما يخش في حته ضيقه ويقوم يشطح ساي وحقيقه كده كميه من الذكريات والمواقف لا يسع المكان لذكرها او حصرها بدايه من الجرسه وشراب المويه بي تحت تحت وانتهاء بي مرحله السحور وهي مرحله مهمه جدا من حياتي وشاركت فيها اخوان اعزاء جدا علي نفسي لن احصرهم عشان ما يسقط اسم واحد سهوا ادخل نفسي في مشكله
10 سنين او اكتر مع شله السحور مواقف لا تنسي وخوه جد وسحور بي جميع اشكالو المعروفه بالطار والنوبه والبوق وبي الجركس وبي العود وبي الطرمبه وبي اي شي قدرنا عليهو .
عايز اقول حاجه مهمه مرحله السحور ما كانت كلها سحور وجوطه وبس بل كانت مرحله بتاعت مراهقه مع جميع تبعاتها يعني قصه الريده والحب والشواكيش والحمد لله جميع من شاركتهم هذه المرحله اتاهلو للزواج او اغلبهم الا العبد لله وكم واحد كده لسه منتظرين النصيب والشي الغريب الناس الكانو بدقو السحور وبحبو الوكت داك ولا واحد فيهم عرس البت الكان بحبها ما عارف السبب شنو ؟ يعني لمن نكون منتظرين وقت السحور ويغلبوك في الكوتشينه بتشوف اقرب واحد ليك وتقعد تحكي ليهو وتحكي بي كل مشاعرك ولمن تسمع من واحد فيهم عن البت البحبها تتخيل خلاص الله يجيب العيد والزول ده طوالي بعقد علي البت دي بس يمر العيد وتمر الايام لغايه ما يجي رمضان التاني وتجي تلقي نفس الشخص الكان بحكي ليك عن فلانه تلقاهو بحكي عن فلانه تانيه والاولي مشت لي عدلا ههههههههههه
انا شخصيا طوال ال10 سنين الذكرتها دي والله حكيت كتير خلاص هههههههههه والله يطرا اخوي وتوام روحي عصام حسن الهادي وصراحه الزول كان مستمع جيد للمشاكل بس الحلول الكان بقدما كلها بتجي بي نتائج عكسيه معاي انا بالذات ما عارف ليه؟هههههه
ما عايز ازحمكم ساي بالكلام وقريب اذا سمحتو لي داير اتكلم عن شله سنه92 فردا فردا وعايز اوريكم خط السير بتاع السحور يعني ببدا من وين وبنتهي وين والمعدات المستعمله والاسر التي كانت تدعم هذه الشله معنويا وماديا ههههههههه والمواقف الحرجه والصعبه مع ناس حظر التجول وكيف مره او كم مره كشونا وساقونا الخيمه وبالتفاصيل وخليكم متابعين اسف للاستطراد وفي انتظار المساهمات والرد
اما عن ذكرياتنا في رمضان فلا اعتقد اني سوف استطيع ان اكتب عنها بالساهل كده عشان الواحد ما يخش في حته ضيقه ويقوم يشطح ساي وحقيقه كده كميه من الذكريات والمواقف لا يسع المكان لذكرها او حصرها بدايه من الجرسه وشراب المويه بي تحت تحت وانتهاء بي مرحله السحور وهي مرحله مهمه جدا من حياتي وشاركت فيها اخوان اعزاء جدا علي نفسي لن احصرهم عشان ما يسقط اسم واحد سهوا ادخل نفسي في مشكله
10 سنين او اكتر مع شله السحور مواقف لا تنسي وخوه جد وسحور بي جميع اشكالو المعروفه بالطار والنوبه والبوق وبي الجركس وبي العود وبي الطرمبه وبي اي شي قدرنا عليهو .
عايز اقول حاجه مهمه مرحله السحور ما كانت كلها سحور وجوطه وبس بل كانت مرحله بتاعت مراهقه مع جميع تبعاتها يعني قصه الريده والحب والشواكيش والحمد لله جميع من شاركتهم هذه المرحله اتاهلو للزواج او اغلبهم الا العبد لله وكم واحد كده لسه منتظرين النصيب والشي الغريب الناس الكانو بدقو السحور وبحبو الوكت داك ولا واحد فيهم عرس البت الكان بحبها ما عارف السبب شنو ؟ يعني لمن نكون منتظرين وقت السحور ويغلبوك في الكوتشينه بتشوف اقرب واحد ليك وتقعد تحكي ليهو وتحكي بي كل مشاعرك ولمن تسمع من واحد فيهم عن البت البحبها تتخيل خلاص الله يجيب العيد والزول ده طوالي بعقد علي البت دي بس يمر العيد وتمر الايام لغايه ما يجي رمضان التاني وتجي تلقي نفس الشخص الكان بحكي ليك عن فلانه تلقاهو بحكي عن فلانه تانيه والاولي مشت لي عدلا ههههههههههه
انا شخصيا طوال ال10 سنين الذكرتها دي والله حكيت كتير خلاص هههههههههه والله يطرا اخوي وتوام روحي عصام حسن الهادي وصراحه الزول كان مستمع جيد للمشاكل بس الحلول الكان بقدما كلها بتجي بي نتائج عكسيه معاي انا بالذات ما عارف ليه؟هههههه
ما عايز ازحمكم ساي بالكلام وقريب اذا سمحتو لي داير اتكلم عن شله سنه92 فردا فردا وعايز اوريكم خط السير بتاع السحور يعني ببدا من وين وبنتهي وين والمعدات المستعمله والاسر التي كانت تدعم هذه الشله معنويا وماديا ههههههههه والمواقف الحرجه والصعبه مع ناس حظر التجول وكيف مره او كم مره كشونا وساقونا الخيمه وبالتفاصيل وخليكم متابعين اسف للاستطراد وفي انتظار المساهمات والرد
