البوابة
أحدث الصور
من طرف دفع الله الشيخ علي محمد السبت 06 سبتمبر 2008, 12:04 amبسم الله الرحمن الرحيم
والصلاه والسلام علي اشرف خلق الله اجمعين سيدنا وقدوتنا وتاج روؤسنا سيدنا محمد عليه وعلي آله وصحبه افضل الصلاه واتم التسليم
استبشرنا خيرا بمولد هذا المنتدي وصراحه فتح جوانا مساحات واسعه من الشوق للاهل واقلبنا عليه بكل حب وشوق ولهفه لانو صراحه دي الشي الكنا فاقدنو (معليش نتكلم دارجي عشان العربي الفصيح ده متعب شويه ) بس بي صراحه في الايام الفاتت دي المنتدي ده قلب لي مهاترات ولي شغل بتاع ناس ما واعين صراحه . انا عايز اسال سؤال فيها شنو لو عرفت انت منو ؟ او فيها شنو لو كتبت لينا اسمك الحقيقي وبعدين اذكر لقبك العاجبك ده ومافي زول غالبو يدخل بي اسم او لقب الناس تقعد شهور عشان تعرف انت منو ؟
يعني دي مساله ساهله جدا بس يا اخوانا والله كده ما بنقضي غرض ويعني ح نكون بس الواحد يدخل ويشوف الجديد شنو ويطلع وده ما كويس .واخوانا اشرف ذكر الهدف من المنتدي ببساطه كده منتدي شبه اسري ونحن في القلعه من شمالا لي جنوبا اهل او بحكم الجيره والعشره بقينا اكتر من اهل ماعندنا فرق بين شايقي وجعلي ومحسي او من اي مكان في السودان الشي البهمنا انو انك من القلعه وبس . يعني معقوله اسبوع كامل ندخل نلقي الحجاج برد علي ابو الشوش وحداري نمره واحد ما عارف برد علي منو يعني بي طريقتكم دي ضيعتو لينا الهدف من المنتدي وبقينا ندخل عشان نعرف اشرف قال لي الحجاج شنو الحجاج رد قال شنو بالله دي طريقه دي ؟ يعني بدل ما نتكلم في مشاكل القلعه ومشاكل التخطيط والفاقد التربوي زي ما قال اشرف نمسك في حاجات فارغه زي دي ؟اليوم كان معاي صديق عزيز وهو ليس من القلعه ولكن كلمتو عن المنتدي وبي صراحه دخل فيهو ورجع كلمني قال المنتدي ما عجبو وبيعتذر عن عدم التسجيل وعذرتو صراحه . يعني زول من غير القلعه ما يقدر يسجل ولا شنو ؟ ح يدخل ما يفهم اي شي ؟ كلمونا عن مشاكلنا ودي دعوه اخيره لي اخوانا نحن ما عندنا غضاضه في انو يكون عندك لقب بس في الاول نعرف انت منو وانشاء الله بعد داك يكون لقبك اي شي . ادخلو بي اساميكم والالقاب محفوظه انشاء الله وياريت يكون اخر واحد بتكلم في الموضوع ده لانو ممل جدا جدا وعيب علينا صراحه يا ناس يا فاهمين
