البوابة
أحدث الصور
من طرف الحجـاج الخميس 11 سبتمبر 2008, 1:44 amقبل ان ابدأ اود ان اعتذر عن كتابة هذا الموضوع الرياضي هنا .. بعيدا عن المنتدي الرياضي .. لان الجميع يدخلون بصورة كبيرة علي المنتدى العام .. ولذلك قررت ان اشعللها رياضيا هنا وان نرفع سيوفنا في وجه الرشاشات .
بعد يومين من الان سيلتقي فريق الهليل مع فريقا انيمبا النيجيري (البعاتي ) ويبدوا اننا سنسترجع ذكرى الخمسات والستات والسبعات والتسعات تلك الهزائم الكبيرة التي مني بها فريق الهليل في ايام خلت
فريق الهليل والذي يشجعه كثيرون داخل المنتدي منهم علي سبيل المثال بكري علي وعجيب حمد علي
واقول لهم ولكل الهيلالاب ان الهليل لن يستطيع ان يتخطى فريق انيمبا النيجيري وصراحة انا اتمناها خمسة انيمبات عند اللزوم .. لكي نضحك علي فريق الكراكات الهلالية بقيادة (شايت الموية ) وشايت الموية دي تنفع اسم لاغنية ذي (سايق البوباي) شوفتو ليكم زول عاقل ونصيح كدة يشوت الموية ..
لاعبو الهلال ندتهم انتهت في الميادين وهذا ما ستثبته مباراة انيمبا القادمة .
وعلي االاخوة المريخاب بفيادة الاخ اشرف زعيم مريخاب المنتدى ان يذهبوا .. لي شعيب الترزي .. او عمك الترزي اللي فاتح علي دكان محمد نور (نسيت اسمو .. لانو قبل اربعة سنوات جيت اجازة واديتو جلابيتيت بالله عملهم لي ذي المخلاية )
عليكم يا اشرف ان تذهبوا اليهم وتفصلوا اعلام نيجيرية .. تكتوبا عليها كلنا انيمباب .. وتكتبوا عليها برضو .. يالهلالاب جوكم الانيمباب ..
عجيب حمد دة زمان حول من الهلال للمريخ وسميناهو الدحيش .. بس ما عارف هسة الرجعو شنو لاصحاب الصفر الدولي ..
يا جماعة فريق تاسس ليهو 88 سنة ورصيدو صفر .. صفر اكبر من منطقة الحدير ..
ومن ظن منكم او حلم بان الهلال يمكن له ان يتخطى انيمبا النيجيري .. اكشحوا فيهو جردل موية بااااااردة
........................................
وخوفي علي المريخ من الاسمو كرورجر .. الله يجيب العواقب سليمة ..
مرة ثانية .. العذر لادارة المنتدى ان كتبت موضوعا رياضيا في المواضيع العامة .. ارجوا ان يكون هذا الموضوع اسثنائيا لكي نعرف اللي معانا (مريخابي ) من اللي مع الحيانة ( الرشاشات اصحاب الصفر او الصفراب )
