مبدعى المنطقة؟؟؟

استغرب لعنوان الصفحة (مبدعى المنطقة)

شباب القلعة ادمن الجلوس فى الضللة وتحت العمدان

اضاع سنوات فى الخمول والكسل ولم يستثمرها فيما يفيد

وفجأة هبط عليهم وحى الاغتراب وان شئت الدقة فهو هروب من الواقع

وتحاشى النظر لمآلات الركلسة

فاختاروا الانزواء فى ظلام الاغتراب

الله يهديكم

أليس من الأفضل أن تعرفنا بنفسك بدل الخوض في
أمور ال تغني ولا تسمن من جوع ومن الذي قال لك ذلك يا هذا

مر زمن على القلعة كاد ان يجعلها فاقدة للهوية

منطقة باسرها افرغت من شبابها

فصارت بلا لون او طعم او رائحة

افتقرت ثقافيآ وهى فى الاصل لاتملك ما يمكن التباهى به

وكان الامل فى بعض من تواصل الاجيال

ضن به البعض وآثر الرحيل

كان اسمها القلعة وصارت خليطآ يصعب تمييز هويته

وشكله الاجتماعى

قد نجد العذر فى ان الضغوط الاقتصادية ادخلت الكل فى دوامة يصعب معها

الانتباه لمل هو خارج دائرة الانا

ولكن عجلة الزمن وقانون الفراغ لا يعرفان المعاذير

جيب سفة

عجيبه انت بتفكر في مشاعر الاخرين وفي نفس الوقت داخل بي اسم خال عزيز علينا جدا
عموما هذا المنتدي لكل اهل المنطقه مافي داعي تتقمص شخصيه زول تاني وما تلبس توب ما توبك
واذا كان خالنا ده عندو مكانه عندك يا ريت تكتب بوست عن الشي البتعرفو عنو
وما تضيع شخصيتك علينا ساي
وسلام شديد ليك
وما كنت عايز بدايتك في المنتدي تكون بالصوره دي
عموما ممكن تعدل والفرصه عندك

والله شكلك من جوووووووووووووووووووووه القلب اذا كنت بتعرف الاسم كامل كده
المهم انك بقيت مننا وانت اصلك مننا يا بيظنا .

تعال بالحقيقي عشان تعرف قدرك انت بتختبرك في قدر غيرك والجيت بيهو نبراس في جبيننا
وما ممكن تكون زيو حتى لو كنت اخو احمد العدوي ولا مجتبى العدوي ولا ادريس العدوي .
عشان ديل كلهم بيفرقوا عن ايـــــــــــــــــــــــــــــــــــــــــوب في اشياء خاصة كثيررررررررررة

يعرفها اهل الحدير واشياء عااااااااااااااااامة كتيررررررررررة يعرفها الوسط الرياضي بالقلعة

وامرق قبل ما تقع في حفرة بلطي
او يقع فوقك مـــــــــــــــــــــــرق

انت يا زول حفر البلطي انا سيده ومالكم انت ودفع الله حارقكم الموضوع ده ايوه انا ايوب وما مستخبي ولو عايز بعد يومين حا انزل ليك صورتي عشان تقتنع تمام اني انا ايوب

بالمناسبة يا شباب قبل ايام كان هناك موضوع عن شخصية الاسبوع وكانت عن اخونا خوجلي وحاولته ارجع للموضوع ده مع صورة منزلة وبحثه في كل المنتدي ولم اجده
رجـــــــــــــــــــــــــــــــــــــاء دلوني عليه لان الاخ خوجلي الان يجلس علي النت وبيحاول ايجاد الموقع
مع تحياتي

ايوب

دور في حفرة بلطي بتلقى المستخبي

ولا اسال فتحي عمر خبير حفر البلطي

وين صاحبك دفع الله ما موجود الايام دي

انا اخترته ايوب بعد استشارته في الموضوع وكان سعيد جدا وطلبته منه اني انزل اسمه بالمنتدي وكل كتاباتي حا تكون بي ايوب وحا انزل صورته ما مهم اكون انا منو امهم انا حا اقدم شنو للمنتدي واعضاء المنتدي
واذا كنت بستعمل الفاظ او كلمات جارحه او التشهير بشخص من حقك تقولي تحدث باسمك ولكن نحن ابناء حي واحد وكلنا ايوب وحسن مصطفي والطاهر حمد وحمدالنيل وعباس احمد الامين وكل اعلام الحدير
وبالمناسبة موضوع ايوب العدوي ده انا قصدته بيه الاخ جمال عمر الصديق بالاخص في هذا المنتدي
ودمتم

ههههههههههههه يا عمنا شوف الذكرتهم ديل كلهم جيل واحد وكلهم اعمامنا وخيلانا

واكيد انت واحد منهم ياخي لو فعلا عاونا نستفيد منك تعال دغري والله نستفيد واكيد استفدنا منك في الواقع لما كنا صغار بغض النظر عن ماهي الاستفادة المهم بتكون حصلت حتى ولو كانت منعنا العوم من باب الخوف علينا .

وايوب راجل عمنا وله مكانه في قلوبنا واكيد انت لك ما له بس تعال دغري . انت ذكرت بانك تود ان تقدم شي لهذا المنتدى طيب اول شي قدم نفسك بشكل صحيح عشااااااان ما يطلع كلام نندم عليه مستقبلا وانت ليس اهلا له بالله عليك رغم حلاوة المراوغة من طرفك افصح لعل الافصاح
يريحنا .

ممكن جدا ان نتعامل معك بسطحية وان لا نرد على ما تاتي به ولكن لماذا يحصل مننا هذا ولماذا تبخل علينا انت بما نريده منك .

رغم ان اسمك لا يهمنا وانت مبهم ولكن ربما يهمنا وانت معروف لدينا .

خاصة للاخ دفع الله

حمدالله علي سلامة الاخ بدر الشيخ ونسال الله له الشفاء العاجل وان يجعلها الله في ميزان حسناته

awrad2004@hotmail.com

لو كنت عايز تعرفني انا منو ده الايميل بتاعي