البوابة
أحدث الصور
من طرف yousri salah الأربعاء 08 أكتوبر 2008, 12:55 pmقال الأوزعي:
اذا اراد الله بقوم سؤ اعطاهم الجدل..
ومنعهم من العمل...
الكلام واضح....
بعتقد انو نحن اكثر ناس بتحب الجدل والمهاترات في اشياء اظنها فارغة.. شديد..
يعني مما قمنا ماعندنا شغل غير السياسة... ومافي زول عاجبنا في الحكم ولا في الدنيا
الرجال مثلا... الكورة وهلال مريخ واليوفنتوس.. نعم بعضهم ممكن يقول مافي حاجة تانية نتناقش فيها.. في اشياء مفيدة.. يعني مثلا قراية كتاب مفيد.. تمارس هواية جميلة تشغل بيها وقتك... ياخي اعمل ليك جهاز كمبيوتر واظن اسهل حاجة بقت اقتناء جهاز في السودان او غيره..
النساء... ماعندهم شغلة غير السوق وتوب فلانة وحنة فلانة... وفلان داك جاب لفلانة ديك شيلة بكم مليون وعمل ليها عرس في.....
ممكن يستفيدو في مشاهدة البرامج المفيدة من احاديث دينية وممارسة هواية جميلة... ممكن يتفرغن لاشياء اظنها تغنيهم من القطيعة مع العلم القطيعة بقت متداولة عند الرجال اكثر من النساء... ممكن الواحدة تخترع ليها تحفة فنية من اثاث البيت... تخلق جنة من منزلها بس تبعد من جدل النساء والمهاترات.. ياخي درسي عيالك الواجبات المدرسية حفظيهم سورة..
وبعدين القصة متوارثة عندنا يعني تمرق الشارع تجد العطالة اكثرهم..... يجلسون عند الناصة او دكان فلان ماعندهم شغل غير السفة والسجارة وفلان عمل والمريخ غلب والهلال حايسافر.... ياخي حاول بدل كلامك هذا اخلق من نفسك فنان اكتب قصص... حاول مرة مرتين ثلاثة اكيد حتنجح.. حاول تسافر في ربوع السودان الجميل... استكشف اكتب عن بلادك.. عن طبايع القبائل وعاداتها.. ارسم الجبال الجميلة في الشرق... ياخي اشتري قنقليز وبيعو في سوق كوستي..
ياخي ادخل معانا المنتدي هذا ونحن نرحب بيك... وبمنرقك من الجدل المناقشات والمهاترات الفارغة.. اخوك ابو الشوش والباتر والاخوات ام احمد وام الحسن بدوك مواضيع جميلة ويعلق عليها حداري وياسر صلاح وخير وباقي الباقة الجميلة من الاخوان في المنتدى..
طول عمرنا بنتكلم في السياسة احسن ناس بتتكلم في السياسة واحسن ناس بتعرف تحل المشاكل والعقد المستعصية الماقدرو يحلوها في مجلس الامن والاجتماعات الخارجية المكوكية بيحلوها في هذه القعدات.. مشكلة فلسطين هذه نحن صغار حليناها في الحلة.... ياخي نحن احسن ناس في اي حاجة مع العلم اثبت الزمن نحن احسن ناس مابنعرف حاجة..
واللذيذ في الموضوع انو جميع الشباب عاوز يسافر امريكا واستراليا وكندا.. عاوز يتخارج من السودان... عاوز يتغرب مع العلم جواز ما يكون عندو ويكون منتظر يمشي التأشيرة من السفارة...
وبعدين تجد 99% من الموظفين والعمال جميع القطاعات العاملة وبعض غير العاملة تجدهم الواحد مركب (وش الككو)... صاري وجهه... ياخي ماعارفين انو ... تبسمك في وجه اخيك صدقة... شوف باقي الشعوب التانية كيف الواحد يتعامل معاك بكل احترام وادب بسمة جميلة لدرجة تتمني تعيد طلبك مرة ثانية... ياخي تدخل المستشفي عندنا عشان تتداوي صرة وش ساكت تمرق عندك شلل اطفال.. وبعد هذا كله تجدهم عطالة في وظائفهم ينشو الضبان...
ياخي العملية ابسط مما تتصور... ممكن نكون احسن ناس وفعلا نحن احسن ناس باصلنا بديننا الحنيف بتواصلنا باي حاجة فينا بس فينا بعض هذه الخصال السيئة جدا جدا ( المواضيع الفارغة)
التي لاتثمن ولا تغني من جوع..
والدليل علي صدق كلامي هذا لازلنا في القاع... نتحاور ونتجادل في .....
ياخي تقول ليا تقول ليا مابنتجادل..
اذا اراد الله بقوم سؤ اعطاهم الجدل..
ومنعهم من العمل...
الكلام واضح....
بعتقد انو نحن اكثر ناس بتحب الجدل والمهاترات في اشياء اظنها فارغة.. شديد..
يعني مما قمنا ماعندنا شغل غير السياسة... ومافي زول عاجبنا في الحكم ولا في الدنيا
الرجال مثلا... الكورة وهلال مريخ واليوفنتوس.. نعم بعضهم ممكن يقول مافي حاجة تانية نتناقش فيها.. في اشياء مفيدة.. يعني مثلا قراية كتاب مفيد.. تمارس هواية جميلة تشغل بيها وقتك... ياخي اعمل ليك جهاز كمبيوتر واظن اسهل حاجة بقت اقتناء جهاز في السودان او غيره..
النساء... ماعندهم شغلة غير السوق وتوب فلانة وحنة فلانة... وفلان داك جاب لفلانة ديك شيلة بكم مليون وعمل ليها عرس في.....
ممكن يستفيدو في مشاهدة البرامج المفيدة من احاديث دينية وممارسة هواية جميلة... ممكن يتفرغن لاشياء اظنها تغنيهم من القطيعة مع العلم القطيعة بقت متداولة عند الرجال اكثر من النساء... ممكن الواحدة تخترع ليها تحفة فنية من اثاث البيت... تخلق جنة من منزلها بس تبعد من جدل النساء والمهاترات.. ياخي درسي عيالك الواجبات المدرسية حفظيهم سورة..
وبعدين القصة متوارثة عندنا يعني تمرق الشارع تجد العطالة اكثرهم..... يجلسون عند الناصة او دكان فلان ماعندهم شغل غير السفة والسجارة وفلان عمل والمريخ غلب والهلال حايسافر.... ياخي حاول بدل كلامك هذا اخلق من نفسك فنان اكتب قصص... حاول مرة مرتين ثلاثة اكيد حتنجح.. حاول تسافر في ربوع السودان الجميل... استكشف اكتب عن بلادك.. عن طبايع القبائل وعاداتها.. ارسم الجبال الجميلة في الشرق... ياخي اشتري قنقليز وبيعو في سوق كوستي..
ياخي ادخل معانا المنتدي هذا ونحن نرحب بيك... وبمنرقك من الجدل المناقشات والمهاترات الفارغة.. اخوك ابو الشوش والباتر والاخوات ام احمد وام الحسن بدوك مواضيع جميلة ويعلق عليها حداري وياسر صلاح وخير وباقي الباقة الجميلة من الاخوان في المنتدى..
طول عمرنا بنتكلم في السياسة احسن ناس بتتكلم في السياسة واحسن ناس بتعرف تحل المشاكل والعقد المستعصية الماقدرو يحلوها في مجلس الامن والاجتماعات الخارجية المكوكية بيحلوها في هذه القعدات.. مشكلة فلسطين هذه نحن صغار حليناها في الحلة.... ياخي نحن احسن ناس في اي حاجة مع العلم اثبت الزمن نحن احسن ناس مابنعرف حاجة..
واللذيذ في الموضوع انو جميع الشباب عاوز يسافر امريكا واستراليا وكندا.. عاوز يتخارج من السودان... عاوز يتغرب مع العلم جواز ما يكون عندو ويكون منتظر يمشي التأشيرة من السفارة...
وبعدين تجد 99% من الموظفين والعمال جميع القطاعات العاملة وبعض غير العاملة تجدهم الواحد مركب (وش الككو)... صاري وجهه... ياخي ماعارفين انو ... تبسمك في وجه اخيك صدقة... شوف باقي الشعوب التانية كيف الواحد يتعامل معاك بكل احترام وادب بسمة جميلة لدرجة تتمني تعيد طلبك مرة ثانية... ياخي تدخل المستشفي عندنا عشان تتداوي صرة وش ساكت تمرق عندك شلل اطفال.. وبعد هذا كله تجدهم عطالة في وظائفهم ينشو الضبان...
ياخي العملية ابسط مما تتصور... ممكن نكون احسن ناس وفعلا نحن احسن ناس باصلنا بديننا الحنيف بتواصلنا باي حاجة فينا بس فينا بعض هذه الخصال السيئة جدا جدا ( المواضيع الفارغة)
التي لاتثمن ولا تغني من جوع..
والدليل علي صدق كلامي هذا لازلنا في القاع... نتحاور ونتجادل في .....
ياخي تقول ليا تقول ليا مابنتجادل..
