كدي اربطو لينا فكرة الحاج والقنبله

احييك اولا على مسألة الربط بتاع الاجيال بتاعك ده 00
ثانيا 00 اكيد طبعا الاجيال مكملة لبعضها 00 مع اختلاف بسيط طبعا في طريقة طرح
المواضيع 00 وذلك باختلاف الاساليب وطريقة تفكير كل جيل 000
00 طيب00 ليه تغني الاغنية الاولى 00 والثانية 00 لا ؟
بالرغم من انك 00 اعترفت باعجابك بها 00 وذلك كما ذكرت بفكرتها 000وانت راجل فنان000فاكيد
لمست وتر وجداني جواك 00 خلتك اعجبت بيها 0000 ولا شنو 00 يا أ ستاذنا ؟

التحيه ابوهبه
اخيرا لقينا لينا زول يتداخل معانا

شوف انا اعجبت بفكرة الاغنية الجديد فيها مفردات لم تستعمل من قبل للتواصل بين المحبين لاكين يابوهبه انا كان غنيت قنبله دي ناس شهد ولينا يقول شنو ابوهم جنا

ياصديقي في التزام ادبي ومعنوي مع شعرا كبار بدانا معهم تجربه اتمنى ان تكلل بالنجاح ولاعايز مدني النخلي يخسرني

بس فعلا هنالك رابط كبير بين الفكرتين حسب وجهة نظري وقنبله استقرت في هاتفي عبر البلوتوث من احد زملا العمل فاصابت الهاتف بخلل نفسي كبير لانه لم يتعود على اجوا الحروب العاطفية فهو متسامح مع نفسه ومستقر عاطفيا حسب البرنامج الموضوع له .


هذه ايامكم ياصديقي ولكم الحريه في التعبير عن مشاعركم بالطريقه التي تناسبكم ولاكننا نحرص ان لاتصيبنا شظيه من قنابلكم العنقودية وبيني وبينك قنابل اليومين دي بقت فتاكه


في مره من المرت ذهبت باكرا لتوصيل شهد ولينا الى مدرستهما والتقيت ببعض ابناء جيلي هنالك فدار بيننا هذا الحوار الجميل .

بنات اليومين ديل بقن سمحات شديد خلاص

رد عليه احدهم انهم اولاد الحب اي واحده في البنات السمحات ديل ابوها بحب امها لازم يكونو حلوين وكانت بنيات المدرسه السودانيه يمرون امامنا كانهم عارضات ازياء باشكالهم وتقليعاتهم المميزه
لنا الحق ايضا ان نعبر عن اعجابنا بهم ولاكن كاباء وليس كعشاق

جايك بكره برواقه يابوالشوش ونشوف قصتك انت شنو
هسه ماشي البيت وصباحاتو بيض يالذيذ



ابومناع

حلوة الطرح من الرائع يسري وحلاوة الرأى من الاعزاء ابو هبة وابو الشوش وياسر وابو روعة
ما غربية عليك يا يسري طرحك لذيذ وبناء وهادف والشباب ما قصرو ابو هبة قال الاجيال مكملة وتختلف طريقة الطرح شي لا يختلف فيه اثنين

ابو الشوش صاحب الاراء المنتوعة وما لمسته انه ايضا يتسأل في رده الاول على الموضوع ما هي مقاييس الفناء الهابط وفي رده الثاني قال ان الفن يرتبط ارتباط وثيق بالحالة الاقتصادية والنفسية والجتماعية ايده الرأي في النفسية والاجتماعية اما الاقتصادية هذه الله اعلم
اما ابو روعة قال ليك كل جيل عندو ثقافتو وبالنسبه له قال في اول يناير حايشيل حديد وحايبطل السجائر بس كان هو عمل كده الناس حاتعمل معاهو

اما الرائع ياسر جاء بالقنبلة وقال ما عندو اى رأئ في الاغاني الجديدة لانه الاغنية بتعبر عن واقع المجتمع ما قلنا حاجة بس حكاية ولدو عنده سبعة سنوات وبيعمل داون لود للاغاني من الانترنت دي عاوزة وقفة يا ياسر لانه لو عمل اربعة عشر سنة ممكن يعمل ليك انت زاتو داون لود

لك التحايا ايها الرئع والفنان يسري ممكن ان تطرح وممكن ان تشرح وممكن ان تاتي بماهو مفيد لنا بس ان تضع نفسك في اروقة ضرب المثل في مثل هذه الامور ......قف..... تعرف لماذا؟

لأن ما شب اليه يشيب


لك الود يا رائع

يايسرى الله يفتح عليك بزيارة للبلد وتطلع سريرك الهبابى فى الحوش مع هواء البحر البارد المسح داك وتحلم بنومه هادية فى الحوش .. وحوالى الساعة تسعة كدة الله يديك صوت حفلة .. اتحداك لو ماقمت بى ملاريا ..انت فى وانا فى .. ودا لو مابقت حاجة تانية غير الملاريا .. هلوسة وحاجات زى دى ..
لانه حاتسمع ليك اغانى ما انزل الله بها من سلطان .. وقال قنبلة قال .. انت سمعت حاجة .. والله فى واحدة اسمها العربية دى تلف بيك السودان كله .. وتنكر بنزين مايكفبك.. والغنا كله بقى بنات ساكت تمتاشرات وعشرينات
واللحم دا عملوه لى شنو .. وكله لحم وشحم وعصب وحاجت خليها ساى .. يعف اللسان عن ذكرها ..وخلى دفع يسمعك ويحكى ليك

والله يرحم زمن ودالامين ووردى وابوعركى وزيدان ومصطفى

وبرضوا زمنكم الجميل

وبمناسبة زول يرد ليك .. اصبر شوية الناس ديل لسه جدد
وبعد شوية ماحايدوك طريقة للنفس
وعندهم البخش فى القفة حقتها دى تانى مابمرق ..




- وديك الجن
رفيق همى وغنايا وفنى
سوا طريقو فى نخبة
وصبح متهنى
ما هماهو باسط مية
سكرة ينى
كل ما شافلو زفة
جديدة فوقة يغنى
- يا عتيد الرماد
نط الحيط بالزانة
تفضى الخانة
تلقى جنابو سيد الخانة
فارش دارو لى اسيادو
بيت كرخانة
غافل ضبحة الفجرى
وجرى السلخانة
يا حميد اقيف
شوف الخلوق محنانة
كفكف دمعتك
والعبرة فوت خنقانة
عسلك سال بحر
فوقو النحل ونانة
ياد ان طاق غرق
جازاك دباير دانة

عجيب ياولدنا ياظريف

كيفك مشكور على المداخله الانيقه اليومين دي مشغول كتير
ومروري علي البورد بقى قليل الا بلحيل بجيكم ونقعد
نشرب الجبنه فى حدير الختمه وننبسط ؟

التحيه ليك والرد على مداخلتك جاي


ابومناع

حداري يا فعــــــــــــال

حليل حدير الختمه وحليل ايامنا

البوست دا فيهو كلام كتير ومداخلات حاجيها راجع بس القى وكت
الواحد بيعمل مداخلات سريعه كده عشان يكون موجود
وقعدة الحدير جايكم .


التحيه

ابومناع

ابوالشوش ياوجيه

فقره فقره

غناء البنات للبنات لهم عالمهم ولهم هموهم واحلامهم ولاكن البنات بنات ولكن ان يتغنى الولد بغناء
البنات دي شويه فيها قولان .

وجهة نظري هل يمكن للولد ان يلبس الفستان صعبه مش كده .

ممكن يكون خيبان ويلبس الولد الفستان زي الجماعه الكتيره البسو الفساتين وماعايز اقول اسماء
ولكن بالتاكيد هي معروفه للمستمع .

حكاية نحن في زمن السرعة دي برضها مامنطقية لانو مادام وتيرة حياتنا اصبحت سريعة يبقى
من الافضل ان نستمع للغناء الرومانسي غناء الشجن (السلطنة ) لكي تستطيع ان نعادل بين الكفتين.


غناء المغارز ( كلمة وقحة تنم عن اننا تخلينا عن الكثير من مبادئنا وقيمنا واصبحت حياتنا
مغارز ( الرجاء استثناء هذا المصطلح من موضوعنا لانه تافه )

اما جيل الكمبيوتر اوالشباب فمن المفترض ان نزرع فيهم القيم الساميه والاخلاق الحميده
نعلمهم المبادي نثقفهم ونزرع فيهم حب الثقافه والفن الراقي .

ان واقعنا الي وقت قريب مضي كان رائع اما هذه الهجمه الشرسة من قبل المنحلين من
شعراء وفنانين استطاعو فعلا ان يؤثرو على قيمنا وعادتنا اعتقد اننا يمكن ان نقف ضد
هذا التيار الجارف ونترس البحر بقيمنا وعاداتنا الفاضله .

اما عمكم ابوروعه فدا زول جقـــــــــــــــــــــــــه كبيره وفقد المنطق .


ولنا عوده .......



ابومناع