تعالوا لنبداء نقاش يهم المنطقة وانسانها

جدع يا ولد
البدايه قالا كمال وردينا عليهو في غير هذا المكان
الخلوه يا اخوانا محتاجه لينا ونبدا بيه
ا عشان نعرف جديه الناس قدر شنو وننشوف البحصل شنو بعد داك











اعوذبالله

ابوالشوش ياجميل


كلام سمح بلحيل وجميعا لنتناقش لنرتقي بافكارنا اولا لان التغير
يبدا من انفسنا ولايغير الله مابقوم حتى يغيرو مابانفسهم .

بوست اكثر من رائع ونود من الشباب المقيم بالمنطقة تعريفنا
بمشاكل وهموم ابن المنطقة وربما نستطيع ان نساعد ولو باضعف
الايمان .

الطرح جيد ويجب ان نناقشه بموضوعيه

معاك للاخر


ابومناع

مشاكلنا كتيره


1) المويه


2) الكهربا


3) الشوارع


4)المرافق العامه


5) ابن المنطقة


6) التعليم


7) الصحة


7) البيئة


البحــــــر


9) مرافق الترفيه للشباب


10) الاهتمام بمواهب ابناء المنطقة ( فنانين _ رسامين ـــ لعيبة كورة وحاجات تانيه حامياني )

والشباب النايم في الخط وماعايز يشارك في المنتدي

والله في الاخطر المخدرات وعلي مسئوليتي 60 % من الشباب حشاشين

تحياتي ابوالشوش


دي قويه 60% حشاشين قولنا ليكم زمنا كان سمح
قولتو نحنا داقسين ساي .

اذا كانت هذه النسبه تمثل شباب الكلاكله القلعه يبقى منو السلام وعليه السلام

الشباب هم من لهم القدرة على رفع راية الاصلاح
وكده نحنا شغالين بنسبة 40% .

فيهم البركة برضو مادام في شباب متطلع زيكم وزي حداري ويويو
وكتير يجب ان لانستسلم .

والعجايز الزينا برضو بنكون باذن الله مؤثرين اذا وجدنا اهتمام منكم
فلكم دوركم ولنا دور وابائنا ايضا هم قدوتنا وسنستنير بهم في محاولاتنا
للتغير .

الجماعه مايقولو الزول داء بتاع تنظير


ابومناع

ابو الشوش 21 كتب:والله في الاخطر المخدرات وعلي مسئوليتي 60 % من الشباب حشاشين

المخدرات داء مستشري في كل المجتمعات مش في الكلاكلة القلعة بس لكن الفرق انو يعتبر دخيل علينا في منطقتنا ،،، قبل سنوات كان في بعض الشباب بتعاطو (البنقو) وديل كانو قلة وبعضهم بيدخنو حسب الجو والمناسبة لكن ماكان احتراف منهم بالمعني الحرفي وبرضو ديل كانو قلة ،،، انا ماعارف هل اشرف بقصد المخدارات بشكل عام ولا بتكلم عن (البنقو)باعتبار انو البنقو في زمنا كان بيعني كل المخدرات (علي حد علمي)
عموما القضية ما بسيطة لانو المسؤولية ما بتقع علي عاتق جهة بي عينه المسؤولية تضامنية بتشمل الفرد و الاسرة والمجتمع والجهات الامنية ، محاولة التغيير والاصلاح من طرفنا عبر هذا الملتقي بتقتصر علي الفرد والاسرة والمجتمع باعتبارنا كل المسميات السالف ذكرها اما الناحية النظامية (الدولة) دة موضوع تاني.
الترابط الاسري في اعتقادي انو من اهم اسباب درء ومعالجة اي انحلال اخلاقي والترابط الاسري بيعني الاب والام والخال والعم الخ... ودة شي مفقود في الوقت الراهن عند كثير من الاسر وبقليل من المقارنة بين الجيل الحالي والاجيال السابقة بوضح الفرق وبتبين معالم المعادلة الاخلاقية و كمثال لا الحصر: لحدي جيلنا كان لو بتسف او بتدخن بتحاول علي قدر ماتقدر ماتعملا قدام شخص كبير في الحلة لانو لو شافك ما حايخلي الموضوع يعدي من غير مايتكلم معاك او يوصلا البيت للوالد او الاخ الاكبر و بدون شك دة نوع من انواع التقويم ودة معدوم حسب اعتقادي في الوقت الراهن وهنا بيت القصيد.

الموضوع يحتاج لحل ولا يمكن حله الا عبر حملات توعوية تكون داخل الاسر وخارجها ولابد من اعطاء اولياء الامور والشباب وحتى البنات دروس في معرفة الشخص المتعاطي كيفية تصرفه ، حالة بدنه ، توضويح الفرق بين تعاطي المخدرات على الشخص المتعاطي ويكون هذا على الملأ الكل يشارك وهذا باقمة ورش عمل تشارك فيها كل الفيئات الاجتماعية ، وانا ارى يا باترا في مثل هذه الامور نشر الغسيل الوسخان بجيب فائدة لانو نحنا عائشين في مجتمع ضيق مجتمع يكاد ان يكون بيت واحد واسرة واحدة وفي البيت اذا الولد عمل خطأ البت او اصغر ولد يخوف بالاعلام عن هذا الخطأ لولي الامر اذا كان اب او ام او خال او عم او ماشابه ، اما اذا الافراد يجهلون ما هو مطروح امامنا فيمكن ان يتعاطوا هولاء الشباب داخل بيوتهم .

الموضوع خطير جدا على الاسرة وعلى المجتمع نرجو ان يعطى اهتماما زائدا من المجتمع ونجد ان اخطر شي هو ما هو قادم من خارج المنطقة للاقامة بالمنطقة والاختلاط بافرادها وكثيرا نجد ذلك والافظع من هذا ربما يكون هناك فارق سني في هذا وهذه الظاهرة لا يغيرها الا ابناء وشباب المنطقة من من يعون هذا ولابد ان يكون هذا بحكمة وفطنة وذلك لما يشعر به الطرف الاخر من اعتزاز بالنفس وعدم احترام رأي الغير وخاصة اذا كان لا يمت له بصلة قريبة ولابد ان يضعوا ظروف المرحلة السنية في عين الاعتبار مع علمهم بأن من يتناول هذه الاشياء يكون في غاية الادراك ويجيد التعبير هذا في حالة الا تعاطي يعني لما يكون واعي اما لما يكون اوف صايد حدث ولا حرج من هو مبدع ياتي بابداع لا يعرف مصدره حتى هو ومن كان كاتب يرتب مفرداته وحروفه كما ينبقي يعني كل يعطي حسب مجاله عطاء فياض .
يعني يا شباب الواحد فيكم لو عاوز ياتي بشي جديد لهذا المنتدى ما يحاول يتمادى ويمشي بعيد .....قف

من الظواهر التي تبين على مدمني ركوب الفيل وطبعا ده كود متعاطي البنقو والله يكفيك شر ركوبه يا باترا ويكفيك يا البتقراء قول امين .


ناس البنقو تبين عليهم علامة النظافة والتنظيم والترتيب ونجده لا يحب الاهمال في كل شي

يختلف عن مدمني الكاس وسخانيين وغير مرتيبين وممكن الواحد فيهم اسبوع ما يستحمه
طبعا في حاجات تانية سوف توضح في بوست اخر.
بس ما ذكر لا يعني ان كل ما هو مرتب او كل ما هو غير مرتب متعاطي او مدمن لشي معين ...... وتاتي حتالة الكلام بعدين .

مع ودي

طيب( اذا عرف السبب بطل العجب) من خلال النقاش البسيط دة عرفنا وين مكمن الداء ألا وهو الوافد علي المنطقة والفاقد التربوي كسببين رئيسيين شنو المساعدة الممكن نقدما من هنا يعني من خلال هذا الملتقي؟ ماهي الخطوة الاولي ؟

ممكن تكون في اراء اخري نشوف الناس وبعدين الحلول بتوضح اكتر ولا شنو يا باترا

كلام معقول يللا يا شباب يسري ، ياسر مناع، ياسر صلاح،عجيب،الصعيدي،ابوهبة،فيصل، وباقي ناس المنتدي سمعونا رايكم