غالبكم المشي؟ طيب اسمعو الكلام

بسم الله الرحمن الرحيم
والصلاه والسلام علي اشرف خلق الله اجمعين سيدنا محمد وعلي اله وصحبه وسلم
اخواني واحبائي اعضاء المنتدي سلام
استبشرنا خيرا بقرار الاداره اخيرا بعد فوات الاوان بسحب جميع المواضيع النص كم والحمدلله كنت اول من طبق عليه هذا القرار وما زعلان ولا شي بس كنت اتمني ان ينزل موضوعي لاني تعبت فيهو والله صراحه - عموما ساحاول ان لا اتعرض لهذا الموضوع عشان الاداره ما تزعل علينا وبحاول في الموقع ده اطبل علي بسيط عشان كل الادراه والاعضاء يرقصو بي رواقه كده وننسي الفات
المنتدي اخير دبت فيه رائحه العافيه واسحب كلمه طارد العذبت الجماعه دي واحتفظ بي كلمه اشتر حتي يحدث العكس
بالمنسبه الكلمه دي قديمه ومن بدايه المنتدي ولم اقصد بها الذين سجلو مؤخرا والحمدلله خالي الغالي جمال عمر اللله يطراه بالخير اول من رد علي كلامي وقال كل واحد يكتب موضوعو في المكان المناسب يعني ما يكون الموضوع عن الكوره واجي في منتدي الاسلاميات القاهو مكتوب هناك ده القصد عشان الناس ما تفهم غلط وترد علي حسب الفهم ده اول شي
الشي التاني

اتمني ان لاينفعل الاعضاء من الكلام الحار عسي ولعل يجعل الله فيه خيرا كتيرا ونسبه لي ظروفنا وظروف ولاده هذا المنتدي عايزين اول شي نبدا بي الكي ونعالج الحديد بالنار وانا لاحظت انصراف الاعضاء كلهم او اغلبهم في الرد علي موضوع معين ومحاوله تلطيف الاجواء بين الاعضاء وده شي جميل بس كمان في شي الحمدلله الود موجود بين كل الاخوان هنا وما اظن ح يحصل شي يعكر الصفو انشاء الله بس يا جماعه خلو كلو واحد يتكلم بي حريه ومش عشان نحن من منطقه واحده نقوم نغطي علي غلطنا وكل واحد يشيل التاني خلونا نواجه مشاكلنا بي نفس سخونتا وما نكون باردين ونتعامل بي رومانسيه وقصه بكره كل شي بكون جميل
نعم بكره دايما احلي بس لو قعدنا ننتظر بكره ده وما نمشي عليهووالله انا اعتقد انو ما ح نحصل بكره دي ابدا

اعضاء المنتدي كانو قدام فرصه ذهبيه ولا زالت في ابراز وجه المنتدي بي صوره جميله لي اهلنا
اتكلمنا عن قصه المسجد ولاشي حصل واقتراح اخي يايو راح شمار في ورقه
تعالو اتخيلو معاي لو كان المنتدي وقف واتصدي للموضوع البسيط ده ومشت الحاجات دي بي اسم المنتدي والضجه الكانت ح تحصل وكميه الناس الكانت ح تعرف المنتدي ده ونكون قدمنا انفسنا بي صوره تليق بينا
صراحه الموضوع طويل ولن اتوقف عن نقد نفسي واياكم حتي ينصلح حالنا ونشوف عمارنا شنو
للحديث بقيه اذا تم نشر هذا الموضوع










اعوذبالله

بعد كتابه هذا المقال سوف تكون المايكات انشاء الله في طريقها للمسجد
ولا حول ولا قوه الابالله
بدايه متعثره بس الجايات اكتر من الرايحات واخوي بكري لازل يحلم بالاتصال به



سواح دخلت معاك في ليل صبي وظالم..

وسرحت في احضنان ظني الجميل واهم..

انو البصيبني معاك..

لابد يكون راحم

حقيقة افتقدنا مشاركاتك الجميلة دي والله انت بتكون عسل لمن تكون هادي
وانت عملت العليك وخلي الباقي علي ربنا وادارة المنتدي
وعرج لينا علي البوستات وعايزين ردود بدون انفعالات ولو سمحت ممكن تديني ايميلك الجديد وايميل ابو وجن

الاخ العزيز الغالي
اولا مبروك بالرغم انها جاءت متاخره وذلك نسبة لضيق الاطلاله معكم في المنتدي وارجو ماتكون اطلالتنا حاره عليكم نتتطلع للمزيد من ابداعتكم والله الواحد سعيد للمستوي الكنتم ماشين بيه وارجو منك بالذات ان تكون فاكهة المنتدي كما عودتنا

انت خليت فيها زاوية جلوس للتشاور ما الليلة هادي وبكرة طالع لينا بقنبلة من وين ما تعرف .............. انت بتذكرني بالطوابير الخامسة ................. مرة معانا ومرة مع الخيانة ولما تكون معانا الا تكون الريس ............ والله يا دفع الله حياتك كلها خرخرة من زمن دافوري البحر وفنلتك بتاعت البرد ام رقبة الكحلية ام يدين طوال ..... وفي البلي بتشاكل نفسك . عاوز ادق عليك انت الا تلفون عشان راسك يجي .... حروف والله لو نظمناها درر ما تخلينا نمشيها خطى ....... وعجيب غاب السبب شنو