303 رقم مميز

بسم الله الرحمن الرحيم
والصلاه والسلام علي اشرف خلق الله اجمعين سيدنا محمد وعلي اله وصحبه وسلم
اخواني سلام

اليوم انتبهت لي شي طريف جدا لم الاحظه طيله الايام الفاتت الا وهو عدد مشاركه العضو وعاده بتكون مكتوبه تحت البروفايل ولمن شفت الرقم بتاعي صراحه صعقت وقام شعري شوك شوك واخير جدا عرفت الناس زهجانه مني لي شنو
اكتشفت اني اكتر زول براي في المنتدي ده وبي سرعه وصلت للرقم المخيف ده يعني مافي زول قريب مني الا كمال عدلان وصراحه خجلت خجل شديد وما قادر اعرف هنا في المنتدي السكوت كويس ولا الكلام هو الكويس
حاولت ارجع بي ذاكرتي لي وراء شويه وشفت جميع المشاركات وكانت المفاجاءه نص المساهمات دي اول اكثرها نقد للمنتدي ودي خلت الناس تفهمني غلط
مشاركتاتي دي ذكرتني بي قصه الزول العامل فيها راجل شديد ويوم سمع كواريك بالليل حراااااااااااامي قام اول واحد جاري للحرامي ده وجري شديد لمن سبق الجماعه كلهم وفجاءه لقي روحو براهو الجاري وراء الحرامي واتمقلب صاحبنا
اتمني اني ما اتمقلب وتاني مره بعاين بس وما بشارك مش لو قلتو الحرامي الا اشوف الناس جارين قدامي

بالمناسبه بعد ال300 مشاركه وذياده دي المحصله بتاعتي حب لي جميع اخوتي هنا
بس الرتبه دي ما عايزه تمشي بعيد يا اداره
عليكم الله رجعوني من الاول عضو مبتدئ
انا رضياااااااااااااااااااان وما عايز ترقيه ولا شي











اعوذبالله

عقبال المشاركة رقم
300000000000000000000000000000000000000000000000003

ولسه جعبتك مليانه (ملحوظة بضم الجيم وفتح العين و سكون على الباء)
(والعبارة مقتبسة من صاحبك فيصل )

ونتمنا ليك تترقى لحدى ما .. تفارق النجوم وتركب الصقر..


ويطل جررررررررررررررررررررررررررررسة

هو كمال عدلان ده الخلاهو يكون وراك طوالي شنو يا الحرامي

انا خاااايف اكون براي بعادين كان في شارع واسع بقدر اتخارج
المشكلة يكون في زقاق اقول يا منو .

شكرا يا شباب با حلوين
مقبوله منك يا عجيب حتي لو من غير تنوين
وعقبال ما تعدي الميه

يادفع الله:
انت كمال عدلان المكتوب دا عمره ولا...................

وبالمناسبة هو جارى وراك داير يحصل الحرامى .. اقصد 303 ولا شنو

ورايك شنو نرجعه مبتدى تانى .. عشان يكتب كتير

هههههههههههههههههههههه والله انا كل ما اخش يا عجيب بلقى لمبتك الخضراء دي مولعة بتعمل في شنو انا ماعارف .

ممكن يكون ساكي الحرامي بعيونوا يا دفع الله

وانا الجن البخوف جنك واخطاني ياقصير انت حكيم وانا عوير سااااااااكت لما ازعل ما بعرف بكتب شنو لكن لما اروق كلامي الكتبته ده ما بيعجبني ........كدي فسرني اكون مااااااااااااااالي و.











































ولا سوداني ؟

1970
- (312)
= 1658
- (288)
= 1370
/ 61
= 22.5



1/ أشرح يا دفع الله ..
2/ فسر لينا كمال يكون ماله ؟؟؟؟

312+288 =600

بالعربى كده يعنى انتو أحلى اثنين فى المنتدى ، ولو ....................................