كاريزما اسماعيل حمد

والله يا ياسر صلاح نتذكر تلك الايام ونتذكر اسماعيل حمد على وهو يهاتف على ميكروفونات الانتخابات ونتذكره ايضا عندما يمسك المايك قبل ابتداء الحفلات الغنائية للاعراس لياتي بشي يختلف عن ماياتي به عبر مايكات الانتخابات ....... وشتان مابين هتافه وبين دوزنته...

بس يا ياسر حجاج زماننا هذا لديه نفس الملكة بس ده قتيد وشارب موية حلة حمد

يا ياسر بيت ابوشبك كان مؤثر على فريق الزهرة ده كان متين يا الكبرتا وضيعت تراثك دي برنت ورفعت عبدالرحمن ..................ممكن تكون عايز تقول الوقت داك الكورة كان مسيطر عليها حوش ابوشبك دي بوافقك عليها ويؤشر ليك عليها رفعت عبدالرحمن والبوقع اى واحد من حوش ابوشبك ويوصلها .................... زكي ابو الزيك بهد.... او باكورت .... المهم جوه الشبك ..... وكان جلت امشي جيبة من بيت المرحوم احمد سعد ولا من بيت ناس عبد الحي مسااااااعد ... لا اعتقد انك نسيت يا ابو ماااااااااااااااشورة .

وفعلا انه فتى ابنوسي وذو طابع لا يعرفه الا من تقرب منه ...... بس الدنيا ما بتدي حريف
ولو دل الى هذا المنتدى اكيد سيعرفه من كان يجهله فدلوه الى هنا يااااااا عجيب
وفي انتــــــــــــــــــــــــــــــــــتظار البقـــــــــــــــــية

يا سلامممم علي هذه الكلمات من اروع اتنين في المنتدي
كلام ما محتاج تعليق بس في شوق كتير للباقي يا ياسر
عليك الله ما تتاخر
معني كده ح ادخل تاني يوميا اتابع ياسر صلاح وهو يتذكر الماضي باسلوب ولا اروع من كده
سلام مربع ليك يا ابو هبه
وجد انت شخصيه المنتدي هذا الاسبوع

الاخ / ياسر صلاح
تحية طيبة اود ان اشارك ببعض ما عندي عن الاخ العملاق اسماعيل حمد الذي طلما عطر ليالينا بصوته الشجي وهويرسل التهاني والتباريك في مناسباتنا بالحي
كذلك لا يفوتني ان اسرد بعض مواقفه الطريفه مع فريق الزهرة في احدي مباريات الزهرة وفريق البراعم كان الاخ ابو الجاز مهموم بالانتصار علي فريق البراعم باي طريقة وقام باستشارت الاخ اسماعيل حمد (ماذا نفعل حتي نتمكن ما غلب البراعم)فما كان من الاخ اسماعيل الا وقال لخوجلي غلب البراعم ده علي انا ما عليك الا ان تعطيني ثلاثون جنيه وساقوم بزيارة لفكي قوي بالعشش وهومجرب ومضمون قام الاخ اسماعيل بستلام المبلغ المذكورة وخرج وقبيل المبارة بقليل اتي يحمل معه قزازة وبداء يعطي كل لاعب رشفه من محتوي القزازة فاداره علي كل الاعبين ومن بينهم الاخ ياسر صلاح وخوجلي يهلل ويكبر وكله ثقة بان اليوم يوم الزهرة وبعد ان مضي الشوط الثاني والمبارة لاتزال صفر صفر اصبح الاخ خوجلي يصيح لاسماعيل حمد ( قاليك القون بيجي متين واسماعيل يشير علي خوجلي بالصبر حتي الدقيقة ال39 من الشوط الثاني احرز الاخ الزين هدف اصطوري في شباك فريق البراعم كان بامضاء العملاق ياسر صلاح وبعد ان انتهت المبارة تفاجات باخ اسماعيل يضحك ملاء فيه وحينما تسالت عن سبب ذلك ذكر بان ما كان في القزازة ماء عادي اخذه من الماسورة ولم تكن محايه واراد ان يستفيد بمبلغ الثلاثون جنيه للمزاج
وحينما علم الاخ خوجلي بالمقلب
اطلق قولته المشهورة
الله لاباكر فيك

ولنا عودة

الاخوة بالمنتدي

ابحثوا معي عن الاخ ابراهيم حمد عبد الرحمن

ابراهيم حمد عبدالرحمن ومحمد عبدالقادر الهادي الجبوري شايفهم في المنتدى العام


ابراهيم احسن تحصلوا سريع لانه هو بظهر يوم وبغيب سنة اما الجبوري تلقى متخفي

واون لاين على طول .



والله يكضب الشينة

ابراهيم حمد عبد الرحمن مشتاقين اظهر يا راجل جنك زوغة وحساسية وين اخوك خوجلى ومامون سيداحمد معاذ محمد احمد ودكين الزين دكين وقيس الامين كدة عرفتنى ولا اديك فى يدك يا حساس 00249912844038