ذكريات المدراس...درس العصر...الجمعيات الادبيه....قلم ابو سهم....قلم البرميل...دبس دبس...حبر حبر

السلام عليكم
تتذكروا الحاجات دى[color:60a1="DarkRed"]

الجمعية الادبية
درس العصر وجلد الماجاب قروش الدرس
الحصة الصباحية
التسميع
المدافره فى شباك البوفيه
طابور الصباح
نشيد العلم وكلمة الصباح
تلحين الاناشيد
تفتيش الملابس والاضافرين والشعر
تفتيش الكراسات ورعب الما مصححين اخر درس
تجليد الكراسات بالجرايد
تجليد الكراسات بالجلاد الاصفر مع تغليفه بكيس شوالات السكر
البشاوره بتاعة السبورة
الالفه ولستة المهرجلين
نظافة المدرسة لمن ننزل اول يوم من الاجازه الكبيره
النبطشيه بتاعة نظافة الفصل
الوسائل الكانت بتتعلق فى الحيط بتاعة الفصول
مازلت اذكر رسمة العين وتفاصلها القرنيه الشبكية العصب البصرى .......الخ . وكذلك خريطة السودان وعليها مجرى النيل
الحكم الكانت مكتوبه فى حيط مكاتب الاساتذة وفى الفصول من الخارج
زى من كد وجد ..... من طلب العلا سهر الليالي ....... العلم نور
الجرايد الحائطيه البعملوها ناس كل فصل
ستات الفطور والاسكريم - الداردومه - الكانو بيبعوا قدام باب المدرسه
اللهفه لوصول سنه رابعه عشان نكتب بقلم الحبر السايل
صيحات الطلبة حبر حبر حبر.......المليه كانت بكم؟؟
وبرضو صيحات دبس دبس دبس..... تلقى الواحد شايل دباستو والدبيسه بكم كانت يارب؟
قلم ابو سهم - كان عند اولاد المغتربين فقط -
قلم البرميل ذو الالوان المميزة - احمر,اخضر,ظهري - اما قلم البرميل دا فكان حق الغلابه -
ترديف الارديه وخاصه بتاعة الجنز تحت الردا الاصلى بتاع المدرسة خوفا من الجلد
الردا الكحلى والقميص اللبنى - دا فى الابتدائى طبعا -
الردا البيجى والقميص الابيض - فى المتوسطة دا كان -
الخرطوش الاسود - الضقل -
توزيع الكتب اول يوم النزول من الاجازة واشتراك اولاد الجيران فى الكتب
كراس الحساب وكراريس الدبل ابو 64 ورقه وكراسات الانجليزى فى المتوسط
جداول الضرب الكانت مطبوعه فى الغلاف الخلفى للكراسات دى
النايل كورس بوك ون وبوك تو وبوك ثرى والبطاقه ( الويرك بوك)
دكتور تروته dr trotter
فريده وامين
الاسبلنغ
عبارة see me للقادى فى الاسبلينغ
صيحات بيوووووووووووت بعد الحصة الاخيره
لمن كراعك تكون مجروحه - تجى لابس فردة جزمة فى الكراع السليمه وفردة سفنجة فى المجروحه
دفتر العيادة ولمن الدكتور يكتبليك متصنع
دفتر الغياب
الشف من بعض خاصه فى حل تمارين الرياضيات
جمع الكراسات عشان الاستاذ يصحح التمارين حقة الرياضيات
توزيع النتايج
السيرة البعملوها لطيش الفصل

[SIZE="5"][color:60a1="Red"]
كنا فى تلك الايام نتمنى ان تنقضى السنوات سريعا لنتخلص من عذابات الجلد وهموم التسميع والحفظ ونستعجل الدخول للثانوي العالي لانو الجلد هناك نادر جدا[/SIZE]
[SIZE="5"][color:60a1="Blue"]هسى الواحد لو خيرهو انو يدفع كل ما عندو مقابل لحظة واحده من تلك الايام لما تردد [/SIZE]

شكرا كثير اخي علي هذه الذكريات الجمليه واريد ان اخبرك بان المنتدي لديه
موقع اخر اشمل ومتطور ويمكنك التسجيل فيه ايضا حتي نستفيد من مساهمتك
الجميله هذه والرابط للمنتدي الجديد هو

اضغط علي الرابط التالي


http://users6.nofeehost.com/ashrafbibo/f/